Prezidente Konsellu Ezekutivu INCT, José Cornélio Guterres. Imajen TATOLI/Francisco Sony

DILI, 08 maiu 2022 (TATOLI)–Institutu Nasionál Siénsia Teknolojia (INCT) deside grupu 12 mak pasa iha teste orál no sei simu responsabilidade hodi hala’o programa peskiza sientífiku durante tinan ida iha territóriu nasionál.

Notísia Relevante: INCT prepara avaliasaun orál ba grupu peskiza 18

“Antes ne’e iha grupu 18 mak prepara an hakat ba prosesu teste orál atu responde ita-nia planu mantein ho grupu 14. Maibé, rezultadu ikus hatudu numeru peskiza ne’e tun tan ba 12, entaun ita deside grupu 12 ne’e sei halo peskiza siéntifiku iha territóriu nasionál,” Prezidente Konsellu Ezekutivu INCT, José Cornelio Guterres, hateten ba Tatoli liuhosi telefónika, domingu ne’e.

Hosi prosesu inskrisaun ne’e, INCT simu proposta kuaze grupu hamutuk 40 maibé bainhira iha prosesu verifikasaun ne’e elimina hela de’it grupu 18 ne’ebé tuir teste orál, atu sukat sira-nia koñesimentu no abilidade g molok atu hala’o peskiza iha area hitu ne’ebé INCT prepara ona iha tinan ida-ne’e.

Hafoin hatene tiha rezultadu hosi teste orál ne’e, INCT aselera kedas prosesu hotu-hotu no iha semana kotuk ne’e realiza ona enkontru ho peskizadór sira husi grupu 12 ne’ebé hetan oportunidade ne’e hodi informa lala’ok administrasaun, pagamentu no regra balun molok hakat ba selebra kontratu.

Iha tinan ida-ne’e, INCT preveea nafatin orsamentu $75,000 ba peskizadór sira atu hala’o peskiza iha área hitu ne’e no kada grupu sei hetan apoiu fundu hamutuk $5,000 hodi hala’o peskiza to’o aprezentasaun rezultadu relatóriu finál.

Notísia Relevante: INCT prevee $75.000 atu halo peskiza iha área hitu

Jornalista : Tomé Amado

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here