Prezidente Konsellu Ezekutivu INCT, José Cornélio Guterres. Imajen TATOLI/Francisco Sony

DILI, 04 abril 2022 (TATOLI)–Grupu peskiza hamutuk 18 sei tuir avaliasaun iha Institutu Nasionál Siénsia Teknolojia (INCT, sigla portugés) atu sukat koñesimentu no abilidade molok halo peskiza iha área hitu ne’ebé prepara ona iha tinan ne’e.

“Iha kuarta (06/03) agora ita hahú halo avaliasaun orál ba grupu peskiza 18 ne’e tanba ita presiza loloos grupu 14 de’it atu avansa ba peskiza sientífiku ne’e,” Prezidente Konsellu Ezekutivu INCT, José Cornélio Guterres, hateten iha ninia knaar fatin, Balide, segunda ne’e.

Notísia relevante: INCT dezeña tópiku lima ba peskiza sientífiku

Antes ne’e, iha grupu 40 maka aprezenta ona proposta, maibé planu ne’ebé INCT dezeña bazeia ba orsamentu ne’ebé preparadu sei utualiza de’it ba grupu peskiza sientífiku 14.

INCT loke programa peskiza sientífiku ne’e ba públiku, maibé espesiál liu ba universidade sira tanba iha entidade ruma hetan ona koñesimentu di’ak ba realiza peskiza sientífika ne’e rasik no bele la’o tuir padraun instituisaun.

“Iha grupu peskiza 14 ne’ebé planeia ona atu hala’o peskiza iha tinan ne’e kada grupu sei lidera hosi doutoradu ida tanba sira mak iha ona abilidade sufisiente kona-ba prosesu peskiza sientífiku ne’e,” nia akresenta.

Enkuantu, programa peskiza sientífiku ne’ebé maka INCT sei realiza iha tinan ne’e prevee ona orsamentu ho montante $75.000 ba peskiza 14 iha área hitu, ne’ebé kada grupu ida sei hetan $5.000 to’o konklui prodús rezultadu peskiza no aprezentasaun sientífiku.

Jornalista : Tomé Amado

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here