Ministru Justisa, Tiago Amaral Sarmento. Imajen Tatoli/Francisco Sony

DILI, 26 abríl 2022 (TATOLI)-Ministu Justisa Tiago Amaral Sarmento, hateten ohin sei halo enkontru ho kompañia nasionál no internasionál hamutuk 82 hodi halo diskusaun kona-ba polítika selu arrendamentu ba kofre Estadu bainhira uza rai no uma Estadu hodi halo negósiu.

“Ita bo’ot sira hatene sesta liu ba ami halo notifikasaun ba kompañia nasionál no internasionál hamutuk 82,”nia dehan nia ba Tatoli, bainhira partisipa atividade jornada planeamentu iha Ministériu Finansa, Aitarak Laran Dili.

Notísia Relevante :Durante mandatu, MJ promete obriga investidór sira kumpre akordu arrendamentu

Maske tinan barak ona kompañia nasionál no internasionál hirak uza rai no uma Estadu hodi halo atividade negósiu iha Timor-Leste maibe seidauk selu arrendamentu ba kofre Estadu.

“Ami bolu sira hodi koa’lia ho sira  ne’ebé maka durante ne’e la selu arrendamentu, nune’e ami esplika ba sira kona-ba lei rai, lei propriedade, lei tributaria, no leis sira seluk hodi sira bele entende didi’ak prosesu sira ne’e, nune’e sira bele kumpre sira-nia dever selu arrendamentu,” governante ne’e hateten.

Entertantu tuir dadus hosi Sekretaria Estadu Terra no Priopriedade (SETP) hatudu iha tinan 2019 to’o 2020, rekolla reseita hamutuk millaun $4,2 no tinan 2021 rekolla millaun $1,2. Enkuantu iha tinan 2017 to’o 2018 rekolla millaun $2-resin.

Tuir dadus ne’ebé publika antes ne’e, sidadaun ne’ebé okupa patrimoniu Estadu hanesan edifísiu no rai Estadu hodi halo negósiu hamutuk 1.114, ne’ebé ninia presu selu sei haree ba klasifiksaun no poténsia rai, uza hela ka halo negósiu, nia presu sei la hanesan.

Alende ne’e, rejista 8.340 arrendatáriu iha territóriu ne’ebé mak halo kontratu utiliza patrimóniu Estadu no selu kada fulan.

Enkuantu, arrendatáriu hamutuk 4.115 maka selu ativu, maibé 4.225 mak la kumpre selu areendamentu desde 2017 to’o 2020.

Tuir Lei númeru 1/2003 no dekretu lei númeru 19/2004 ne’ebé ko’alia kona-ba propriedade Estadu no kobra arrendamentu.

Notísia Relevante :MJ sei asina kontratu arrendamentu rai ho Pertamina Internasionál

Jornalista: Natalino Costa

Editór : Agapito dos Santos

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here