Vise-Ministru Administrasaun Estatál, Lino de Jesus Torrezão. Imajen Tatoli/Antónia Maia Gusmão.

DILI, 27 abríl 2022 (TATOLI)—Governu liuhosi Ministériu Administrasaun Estatál (MAE) halo preparasaun ba fatin atu selebra loron restaurasaun independénsia no toma pose ba Prezidente Repúblika eleitu, José Ramos Horta, atinje ona 45%.

Notísia Relevante: Governu simu ona karta hosi PR eleitu atu konvida líder mundiál balun

“Prepararasaun ba fatin atu hala’o isar bandeira 20 mai no serimónia toma pose ba PR eleitu ne’e atinje ona 45%,” Vise-Prezidente Administrasaun Estatál (MAE), Lino de Jesus Torrezão Lino, hateten ba Agência TATOLI, liuhosi WhatsApp, tersa ne’e.

Hosi atinjementu 45% ne’e, nia dehan, Komisaun Organizadora hahú hamoos fatin Tasi-Tolu inklui ekipa isár bandeira mós preparadu no sei hahú treina iha maiu nia-laran.

“Grupu isár bandeira ne’e ita identifika estudante hosi esninu sekundáriu sira iha Dili nian no sei hahú fó truinu ba sira iha loron 07 maiu 2022,” nia dehan.

Governante ne’e hatutan, iha Tasi-Tolu Komisaun Organizadora sei prepara mós tenda lima (5) hodi nune’e partisipante sira bele utiliza bainhira hala’o serimónia toma pose ba prezidenre eleitu.

“Ita prepara tenda lima, kerdizerke bele akumula ema hamutuk 2.500. Entaun tenda lima ne’e ita sei tau tenda A to’o E. Prepara tenda lima ne’e tanba tempu udan entaun antesipa hodi bele fó mahon,” nia dehan.

Kona-ba lista bainaka espesiál ka líder mundiál (VIP; Verry Important Person) ne’e, nia hatán, to’o agora Komisaun Organizadora seidauk iha serteza tanba ne’e kompeténsia Estadu ho Governu sira mak atu konvida.

Kona-ba bainaka sira-nia alojamentu, Vise MAE hateten bainaka iha otelária durante loron tolu tanba bainaka to’o iha Timor-Leste hahú loron 17 ou loron18 maiu to’o eventu remata.

“Normalmente, bainaka espesiál sira sei hamahon an iha Hotel Timor,” nia hateten.

Notísia Relevante: Governu aloka millaun $1,6 ba serimónia toma pose PR eleitu

Jornalista : Osória Marques

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here