Tékniku Komisaun Nasionál Eleisaun (CNE, sigla portugés), hatudu votu nolu ba fiskais partidu sira. Iha salaun CNE, kuarta (23/03). Imajen Tatoli/Francisco Sony

DILI, 22 abríl 2022 (TATOLI)-Prezidente Komisaun Nasionál Eleisaun (CNE, sigla portugés), José Agostinho da Costa Belo, hateten CNE halo ona apuramentu ba votu nulu hamutuk rihun 5-resin husi rezultadu eleisaun prezidensiál segunda volta.

“Munisípiu hotu iha votu nulu maibé oras ne’e daudaun iha de’it 5,000-resin kompara ho eleisaun primeira ronde ho totál votu nulu kuaze hosi Munisípiu 12 inklui RAEOA ne’e 12.000 portantu númeru ida boot,” José Belo hateten ba Tatoli, iha salaun CNE caicoli Dili.

Notísia Relevante : CNE rejista votu nulu kuaze 13.000 iha teritóriu inklui diaspora

Husi totál votu nulu 5.000-resin ne’e, tuir nia CNE identifika husi Munisípiu Dili maka ho númeru boot hamutuk 800 no tuir kedas  Baukau 500, no restu ne’e maihosi munisípiu sira seluk inklui Rejiaun Administrativa Espesiál Oé-Cusse Ambeno (RAEOA).

“Apuramentu ita komesa ohin dadeer, sei remata iha loron 25. Depois sei iha tan oras 72 nia laran hodi halo elaborasaun ba akta, rezultadu temporáriu ita sei fó sai iha tempu oras 24 nia laran hodi fó biban ba kandidatu na’in rua ou interesante balun hakarak hato’o rekursu ruma”, nia dehan.

Nia hateten bainhira laiha ona reklamasaun ka rekursu husi kandidatu prezidente na’in rua maka CNE sei submete rezultadu eleisaun ne’e ba Tribunál Rekursu hodi analize no validasaun antes fó legalizasaun.

Notísia Relevante :Aban, akta eleitorál diáspora to’o TL no CNE konklui munisípiu neen

Jornalista: Tomé Amado

Editór : Agapito dos Santos

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here