DILI, 23 marsú 2022 (TATOLI)-Vise Prezidente Komisaun Nasionál ba Eleisaun (CNE, sigla portugés), Domingos Barreto, hateten ninia parte rejista votu nulu kuaze 13.000 durante halo apuramentu iha nivel nasionál ba eleisaun prezidensiál ba període 2022 to’o 2027.
Votu nulu ne’e mos akontese iha diaspora. Tuir nia rezultadu hirak ne’e falta edukasaun ba votante sira.
“iha lei ne’e hatete tuu hodi pregu ou lapizeira hodi fó visto, maibé balun tuu iha fatin rua, balun tuu tiha mak depois asina tan, balun hakerek tan I Love You, ida ne’e lei la permite, sira ne’e ami verifika fali, ami deklara hotu, no ami desidi dehan sira la halo tuir buat ne’ebé mak lei hakerek”, hateten Vise CNE ba jornalista Tatoli iha CNE, kuarta kalan ne’e.
Vice hatutan, munisípiu Baukau nia votu nulu 2.035, Aileu 625, Ainaru 779, Bobonaru 1.133 no munisípiu sira seluk sei iha prosesu apuramentu.
Munisípiu Aileu ho totál voto hamutuk 28.098 (22.65%), Ainaru 34.853 (28.09%), no Baukau 61.121 (49.26%).
Notísia relevante: CNE foin atu konklui prosesu apuramentu ba munisípiu Bobonaru
Jornalista : Mirandolina Barros Soares
Editora : Rita Almeida
