Governu Xina, segunda ne’e, entrega vasina Sinovac doze 100.000 no ekipamentu saude ba Governu Timor-Leste. Imajen/ Felicidade Ximenes

DILI, 28 marsu 2022 (TATOLI)— Governu Xina, segunda ne’e, fó tan apoiu vasina Sinovac doze 100.000 no ekipamentu saude ba Governu Timor-Leste, nu’udar kompromisu ida atu suporta programa vasinasaun nasionál ba populasaun atubele kombate COVID-19 iha Timor-Leste.

Apoia ne’e tula hosi aviaun no ró hosi Xina mai Timor-Leste, kompostu hosi Sinovac 100.000, Ventiladór ho unidade 20, oksijénu unidade 20, reajente nukleiku hamutuk 20.000, Infus unidade 50, monitor patiente unidade 50 no ropa protesaun 10.000.

“Ha’u ho onra no kontente tanba apoiu ida-ne’e bele to’o mai direta no ohin ita konsege entrega ba autoridade sira.  Tanba ne’e doasaun lote nesesáriu anti-epidémiku no suprimentu médiku ba Ministériu Saúde Timor-Leste,” Embaixadór Xina iha Timor-Leste Xiao Jianguo hateten iha nia diskursu iha serimónia entrega vasina Sinovac dozes 100.000 no ekipamentu médiku ba Servisu Autonómu Medikamentu no Ekipamentu Saúde (SAMES)- Kampu Alór-Dili, segunda ne’e.

Notísia relevante: Governu Xina entrega vasina Sinovac dozes 100.000 ba Timor-Leste

Doasaun ne’e, Embaixadór ne’e dehan ho baze ba pedidu hosi Ministériu Saúde iha tinan kotuk, nune’e Governu Xina imediatamente hataan ba ida ne’e ho positivu.

Apoia vasina Sinovac doze 100.000 no ekipametu saúde ne’e ho objetivu atu fó vasinasaun ba Timor-oan sira atubele kombate COVID-19 iha Timor-Leste. Maske iha difikuldade transportasaun no finalmente suprementu hirak ne’e too ona iha Timor-Leste liuhosi tasi no aviaun.

“Hanesan prátika ida di’ak entre nasaun rua iha kooperasaun Saúde, asisténsia ne’e hatudu Xina firme apoia Timor-Leste iha luta hasoru epidemia no importánsia ne’ebé boot Xina tau iha relasaun amizade entre ita-nia nasaun rua. No fiar katak lote suprimentu ne’e sei ajuda Timor-Leste luta hasoru epidemia no hadi’a nia kondisaun médiku no saúde,” nia akresenta.

Dilomata ne’e hateten, Xina kompromete nafatin apoia Timor-Leste hodi luta hasoru epidemia no ajuda Timor-Leste hadi’a nia kondisaun médiku.

Dezde surtu COVID-19 tama Timor-Leste, Governu Xina no Timor Leste nafatin apoia no kuida malu liuliu Xina mak hanesan nasaun dahuluk haruka voo fretadu hodi transporta suprimentu médiku.

Iha fatin hanesan, Vise Minsitru Saúde Bonifacio ‘Maucoli’ dos Reis agradese ba komitementu ne’ebé Governu Repúblika Popular Xina apoia mai iha setor saúde   hodi kontinua fornese prestasaun saúde ne’ebé mak di’ak ba populasaun Timor-Leste.

“Ita agradese ba Governu Xina ne’ebé mak apoia ita ho vasina Sinovac 100.000 no ekipamentu saúde hodi suporta programa vasinasaun atu kombate COVID-19 no hadi’a setór saúde iha Timor-Leste,” Governante ne’e agradese.

Entertantu apoiu ne’e rasik simu direta hosi Governu Timor-Leste liuhosi Vise Ministru Saúde Bonifacio “Maucoli” dos Reis, Diretór Ezekutivu SAMES, Santana Martins, no partisipa direta hosi partisipa mak reprezentante Organizasaun Saúde Mundiál iha Timor-Leste no entidade sira seluk.

Notísia Relevante: Governu Xina konkorda apoia vasina Sinovac dozes 100.000 ba Timor-Leste

Jornalista  : Felicidade Ximenes

Editór        : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here