Membru Governu sira hare'e diretamente Vasina Sinovac, iha Aeroportu Comoro, Sabadu (05/06). Imajen Tatoli/Francisco Sony

DILI, 05 juñu 2021 (TATOLI)—Governu Xina, sábadu ne’e fó apoiu no entrega vasina Sinovac dozes 100.000 ba Governu Timor-Leste, nu’udar kompromisu ida atu suporta programa vasina nasionál atu kombate COVID-19 iha Timor-Leste.

Notísia Relevante: Governu Xina konkorda apoia vasina Sinovac dozes 100.000 ba Timor-Leste

Apoia ne’e tula hosi aviaun My Jet Espress ho marka 9L-NTY voo hosi Xina mai Timor-Leste, alugadu hosi Word Food Program (WFP) no ohin (sábadu, 05/06) to’o iha Aeroportu Internasinal Nicolau Lobato Comoro iha 14:40 lorokraik.

Embaixadór Xina iha Timor-Leste, Xiao Jiangou, hateten Governu Xina apoiu Timor-Leste ho vasina Sinovac dozes 100.000 ne’e la’ós apoia primeira vez ba povu Timor-Leste maibé nu’udar nasaun parseiru, Xina hahú apoia dala barak ona dezde transmisaun COVID-19 iha Timor-Leste.

“Ha’u kontente tanba apoiu ida-ne’e bele to’o mai direta no ohin ita konsege entrega ba autoridade sira,” Embaixadór Xina iha Timor-Leste ne”e hateten iha nia diskursu iha serimónia entrega vasina Sinovac dozes 100.000 ba Timor-Leste liuhosi Ministra Negosiu Estranjeiru no Kooperasaun (MNEK), Adaljiza Magno, iha Aeroportu Internasional Nicolau Lobato, Comoro, Dili, sábadu ne’e.

Apoia vasina Sinovac dozes 100.000 ne’e ho objetivu atu fó vasinasaun ba Timor-oan sira atu bele kombate COVID-19 iha Timor-Leste.

Dilomata ne’e hateten, Timor-Leste ho Xina sei apoiu malu la to’o iha ne’e de’it maibé ba futuru sei kontinua tulun malu nafatin.

Entretantu Vise Primeiru-Ministru, Armada Berta, lori Governu nia naran hato’o agradesimentu ba Governu Xina ne’ebé apoiu ona vasina Sinovac ba Timo-Leste.

“Lori Governu nia naran hato’o agradesimentu ba apoiu ne’ebé Govenu Xina fó ba Timor-Leste,” nia dehan.

Iha fatin hanesan, Ministra Saúde Odete Maria Freitas Belo hateten nia parte kongratula no agrades ba Governu Xina nian protidadaun atu apoiu no fó doasaun vasina Sinovac dozes 100.000 ba Timor-Leste.

Ministra Saúde, Odete Maria Freitas Belo, Hato’o nia diskursu hafoin simu Vasina Senovac husi Governu Xina. Loron Sabadu (05/06). Imajen Tatoli/ Francisco Sony

“Governu liuhosi Ministériu Saude hato’o agradesementu ua’in ba Governu Xina ne’ebe ho amizade noo espiritu umantáriu fó doasaun 100.000 dozes vasina Sinovac mai Timor-Leste. Agradesimentu espesiál ba Embaixadór Xina ne’ebé durante tinan 2020 to’o agora sempre mantein liña komunikasaun aberta ho ami (Ministériu Saúde) hodi asegura katak ekipamentu mediku no ekipamentu seluk ne’ebe Governu sira oferese ba povu Timor-Leste fó impaktu boot ba profisionál sira iha liña kombate COVID-19,” Governante ne’e hateten.

Nia dehan, doasaun 100.000 dozes vasina Sinovac hosi Xina ne’e atu haforsa di’ak liután apoiu sira seluk hosi Governu Xina hodi kontribui nafatin esforsu ne’ebé Governu Timor-Leste uza hasou pabdemia COVID-19.

Enteratntu apoiu ne’e rasik simu direta hosi MNEK akompaña hosi Ministra Saude no Vise Primeiru-Ministru. Partsipante sira ne’ebé partisipa iha serimónia entrega apoiu ne’e mak  reprezentante Organizasaun Saúde Munidál iha Timor-Leste no entidade sira seluk.

Jornalista: Natalino Costa

Editór: Cancio Ximenes

HAKEREK NO HATÁN

Please enter your comment!
Please enter your name here