Prezidente Konsellu veteranu. Vidal de Jesus "Riak Leman". Imajen Tatoli/Francisco Sony.

DILI, 24 marsu 2022 (TATOLI)—Prezidente Komisaun Konsellu Kombatente Libertasaun Nasionál (CCLN, sigla portugés), Vidal de Jesus ‘Riak Leman’, hateten to’o agora Governu liuhosi ekipa verifikasaun ba dadus veteranu rejistadu 2009 seidauk bele kontinua tanba iha remodelasaun ne’e troka tiha Sekretáriu Estadu Asuntu Kombatente Libertasaun nasionál.

Prezidente Komisaun Konsellu Libertasaun Nasionál ne’e hateten, ekipa verifikasaun nasionál hein de’it bainhira mak bele kontinua halo verifikasaun ida-ne’e.

Notísia Relevante: Ekipa nasionál verifikasaun dadus veteranu rejistadu 2009 foin verifika 120.000-resin

“Tanba ita-nia Governu liu-liu Sekretáriu Estadu Asuntu Kombatente Libertasaun Nasionál (SEAKLN), Gil da Costa ‘Oan Soru’, troka ona ne’ebé ita seidauk hatene bainhira mak atu kontinua fali verifikasaun dadus veteranu rejistadu tinan 2009 nian,” Riak Leman hateten ba Agência TATOLI, via telefónika, kinta ne’e.

Antes ne’e Prezidente Konsellu Veretanu, Vidal de Jesus “Riak Leman” hateten komisaun vereifikadór sira verifika ona ema hamutuk 60.215 kompostu hosi munisípiu Aileu hamutuk 3.577, Ainaro 3.657, Baucau hamutuk 5.755, Bobonaro 5.439, Covalima 5.157, Dili 3.658, Ermera 4.657, Lautém 5.917, Liquiça 5.882, Manatuto 4.478, Manufahi 4.821 no Rejiaun Administrativa Espesiál Oé-Cusse Ambeno (RAEOA) 3.441 no munisípiu Viqueque hamutuk 3.776.

“Barak mak komisaun verifikadór seidauk verifika hotu maibé ami nafatin esforsu atu aselera lalais prosesu verifikasaun ne’e, nune’e bele enkamiña mai iha nasionál hodi verifika tuir katak ema ida-ne’ebé elijivel ka iha direitu atu simu pensaun ne’e,” nia dehan.

Maibé, nia dehan, Konsellu Veteranu sei hein Orsamentu Jerál Estadu 2022 tanba orsamentu refere Prezidente Repúblika promulga ona, entaun bele kontinua halo atividade verifikasaun iha munisípiu sira.

Notísia Relevante: Sekretariu Estadu Asuntu Kombatente Kontinua Verifika Dadus Veteranu

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here