Sekretáriu Estadu ba Asuntus Kombatentes Libertasaun Nasionál Gil da Costa Monteiro 'Oan Soru'. Imajen Egas Cristóvão

DILI, 16 maiu 2019 (TATOLI) – Sekretariu Estadu ba Asuntu Antigu Kombatente Libertasaun Nasionál no Veteranu, oras ne’e dadauk, kontinua halo verifikasaun dadus ba veteranu sira tinan 2019, hodi halo preparasaun ba kongresu nasionál iha tinan oin.

Sekretáriu Estadu ba Asuntu Antigu Kombatente Libertasaun Nasionál no Veteranu, Gil da Costa Monteiro “Oan Soru” informa katak agora dadauk ekipa halo hela verifikasaun dadus ba veteranu sira iha munisípiu hotu.

“Sekretaria Estadu ne’e halo verifikasaun ba dadus 2019 nian ho totál 120.000 resin, komisaun instaladora ne’ebé atu estabelese Konsellu Kombatente Libertasaun Nasionál,” informa Sekretáriu Estadu, Gil da Costa Monteiro ba jornalista sira iha Palásiu Governu, kinta ne´e.

Tuir governante ne’e, komisaun la’o ona iha munisípiu 12, inklui Oe-Cusse hodi halo preparasaun ba viajen daruak komisaun instaladora ba konferénsia munisipál, nune’e mós prepara atu iha tinan 2020 bele hamosu kongresu nasionál ba estabelesimentu Konsellu Kombatente Libertasaun Nasionál.

“Iha fulan jullu tinan ne’e, mak sei halo verifikasaun ba dadus ne’e maibé la signifika halo iha jullu ona atu konklui iha tinan ne’e, prosesu la’o nafatin no sei la’o to’o 2020 mas karik bele liu uituan. Depende bainhira ita ba halo servisu iha terrenu dalaruma hasoru difikuldade no hasoru dezafíu oin-oin, ne’e normál iha rai ne’e,” informa sekretáriu estadu.

Lee mós notísia: http://www.tatoli.tl/2019/02/gil-monteiro-seidauk-iha-lei-defini-veteranu-puru/

Jornalista       : Julia Chatarina

Editór             : Rafy Belo

HAKEREK NO HATÁN

Please enter your comment!
Please enter your name here