Kandidatu PR 2022-2027 ho númeru sorteiu ualu (8), Lere Anan Timur, no kandidatu ho númeru sortéiu neen (6) Francisco Guterres Lú Olo, hamriik hamutuk no konversa hafoin debate para iha dalan klaran. Imajen/Facebook: Memensio Freitas.

DILI, 15 marsu 2022 (TATOLI)—Debate entre kandidatu Prezidente Repúblika na’in-16 ne’ebé organiza hosi Komisaun Nasionál Eleisaun (CNE, sigla portugés), tersa (15/03) kalan ne’e, ne’ebé GMNTV hala’o transmisaun direta ne’e tekir-tekir para iha dalan klaran tanba fallansu tékniku no rede internet monu.

Notísia Relevante: Pergunta debate públiku ba kandidatu PR sei fahe ba sesaun tolu

 “Husu deskulpa ba exelensia kandidatu sira hotu, ita break uitoan hafoin konfinua fali tanba kestaun rede internet,” Moderadór ba Debate Kandidatu PR 2022-2027, Expetido Dias Ximenes hateten perante ba kandidatu sira no audiénsia ne’ebé tuir debate ne’e iha Hotel Turismo Dili no audiénsia GMNTV iha rai-laran nomós iha rai-li’ur.

Ba kestaun ne’e, Prezidente CNE José Agostinho da Costa Belo hateten fallansu tékniku ne’e normál tanba sei la prezudika informasaun ba povu, tanba sei solusiona fila-fali hodi kontinua debate.

“Fallansu tékniku ne’e normal. Fllansu ne’e sei la prezudika informasaun ba povu tanba sei solusiona fila-fali no debate sei kontinua la’o,” José Belo hateten.

Nune’e mós, produtora Ezekutivu Produsaun GMNTV, Isabel Fernandes, hateten problema fallansu tékniku ne’e mosu tanba iha audiénsia balun mak book fiu, nune’e prezudika transmisaun ne’e para iha dalan klaran.

Iha fatin hanesan audénsia ba debate ne’e, Cecilia do Rego, hosi munisípiu Baucau, via telefónika ba Agência Tatoli katak programa debate ne’e hahú akompaña ho di’ak hodi rona kandidatu sira hato’o sira-nia vizaun no misaun ho konseitu sira, maibé sente triste tanba debate la’o seid’uk kleur la hetan ona liña transmisaun.

Nune’e mós, Mariano Mendonça sente preokupa ho debate públiku entre kandidatu PR ne’ebé hetan transmisaun direta hosi GMNTV rasik, tanba públiku hakarak akompña informasaun maibé iha fallansu tékniku akontese nune’e presiza rezolve ho lalais fila-fali.

Enkuantu programa debate ne’e hahú iha tuku 20h00 kalan no bainhira hahú aprezenta kada kandidatu  nia perfil no mós introdús regra konduta ba debate nian hodi kandidatu kumpre iha ambitu debate la’o.

Sekuénsia debate   hahú pergunta primeriu ba kada kandidatu hodi responde minutu rua kona-ba kandidatu sira-nia vizaun no misaun.

Pergunta daruak hato’o ba kada  kandidatu ida-idak liuhosi dada rifa hodi foti iha envelope ida-ne’ebé iha laran ne’e iha ona perguntas, hafoin moderadór lee sai no pergunta la hanesan ba kada kandidatu ba iha asuntu kona-ba ekonomia, igualdede jéneru, asuntu justisa hodi fó perspetiva bainhira eleitu sai Xefe Estadu karik saida mak sira propoin ba ezekutivu atu tau atensaun

Maibé to’o iha tuku 10h00 kalan, prosesu debate ne’e tenke break ka entervalu tanba kestaun fallansu tékniku mo rede intenet monu, nune’e kandidatu sira no audiénsia sira prenxe tempu mamauk ne’e hodi hemu kafé.

Entertantu, tuir ajenda ne’ebé iha debate sei halo durante oras lima no partisipa hosi kandidatu na’in-16, ne’ebé hahú hosi tuku 20h00-24h30 kalan.

Notísia Relevante: Prezidente RTTL, E.P protesta CNE hili empreza privada realiza debate ba kandidatu PR

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here