Prezidente Konsellu Administrasaun RTTL, E.P, José António Belo. Imajen TATOLI/António Gonçalves.

DILI, 14 marsu 2022 (TATOLI)—Prezidente Konsellu Administrasaun RTTL, E.P, José António Belo, hateten nia parte sei hatama karta protesta ba Komisaun Nasionál Eleisaun (CNE, sigla portugés) relasiona ho desizaun CNE fó fiar ka hili empreza privada mak realiza debate públika ba kandidatu Prezidente Repúblika períodu 2022-2027.

Notísia Relevante: Debate públiku, ekipa susesu Kandidatu Lú Olo propoin utiliza kanál RTTL, E.P

“Ohin, ami sei entrega ami-nia karta protesta ba CNE. Se lei fó dalan CNE bele halo konkursu ba debate públiku ba kandidatu Prezidente Repúblika sira maibé iha ne’ebá la temi empreza privada maibé temi empreza públika de’it. Entaun presiza tenke la’o tuir lei ne’e, tanba ne’e RTTL sei haruka karta protesta ba CNE,” Prezidente Konsellu Administrasaun RTTL, E.P, José António Belo, hateten ba Agência Tatoli, iha nia knar fatin, Caicoli, Dili, segunda ne’e.

José hatutan, CNE la espilka klaru ba públiku kona-ba kuotasaun ne’e tanba antes hatama kuotasaun ne’e RTTL, E.P ho CNE halo ona enkontru liga ho debate kandidatu PR nian no RTTL dehan kustu ba emisaun ne’e sei bele hatun karik ba CNE kustu ne’e boot liu, maibé ikus CNE la konfirma mezmu RTTL, E.P ne’e mídia estatál.

“Kuotasaun ne’ebé ami hatama ne’e rihun $24 maibé la’ós ba emisaun nian de’it, maibé ida-ne’e mós ba ekipamentu hanesan kadeira no meza inklui ba fatin halo debate kandidatu sira-nian,” nia dehan.

Tanba ne’e, nia dehan, RTTL nesesariamente la ko’alia kona-ba kustu maibé ko’alia kona-ba lei ne’e no lei ne’e fó dalan ba CNE ka lae, tanba lei ne’e hateten instituisaun públika ida hanesan RTTL, E.P mak iha dever atu realiza debate ba kandidatu PR no iha ne’ebá la mensiona kona-ba empreza privada maibé iha ne’ebá temi empreza públiku

Nia sei hato’o karta protesta ba CNE tanba ninia fundamentu mak liga ba lei númeru 5/2017 ne’ebé mak halo primeira alterasaun ba dekretu Governu númeru 3/2022 ne’ebé hateten, A atividade de observação e monitorização eleitoral revestese de uma importância cuja nobreza resulta da materialização das respetivas atribuições por todos aqueles que em nome da imparcialidade e da objetividade a ela se dedicam, contribuindo dessa forma para a melhoria do processo eleitoral.

Lei ne’e haktuir, a salvaguarda dessa nobre missão requer, desse modo, que a mesma seja regulamentada nas duas componentes–a da observação e a da monitorização–que resultam da alteração promovida pela Lei n° 15/2021, de 14 de julho, à Lei Eleitoral para o Presidente da República, por ocasião da qual a figura da monitorização passou igualmente a assumir relevo a par da observação propriamente dita.

Notísia Relevante: Debate kandidatu PR iha tempu kalan la viola lei kampaña eleitorál

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here