Prezidente CNE, José Agostinho da Costa Belo. Imajen Tatoli /Egas Cristovão.

DILI, 03 marsu 2022 (TATOLI)—Prezidente Komisaun Nasional Eleisaun (CNE-sigla portugés), José Agostinho da Costa Belo, hateten CNE deside la realiza eleisaun prezidensiál 2022 iha Austrália tanba pandemia COVID-19 no baze dadus ba eleitór sira la atualiza.

Notísia Relevante: STAE sei esforsu realiza eleisaun prezidensiál iha Austrália

“Deliberasaun sai ona no ita labele realiza eleisaun iha Austrália tanba tuir lei katak bainhira iha eleisaun mak presiza atualiza baze dadus maibé ita haree atualizasaun laiha entaun ita deside kansela tanba ita lahatene eleitór na’in hira mak iha ne’ebá,” José Agostinho da Costa Belo hateten ba Agência TATOLI, via telefónika, kinta ne’e.

Nia hateten, Sekretariadu Tékniku Administrasaun Eleitorál (STAE) prontu halo preparasaun ba eleisaun maibé pandemia COVID-19 ne’ebé lahalo atualizasuan baze dadus entaun labele realiza eleisaun iha iha Austrália.  

Bazea ba dadus iha períodu tinan uluk nian ne’ebé mak rejista iha STAE ne’e haktuir,  eleitór sira iha Aústralia hamutuk 1.487.

Tuir atualizasun baze dadus iha teritóriu nasionál eleitór hamutuk 864.754 ne’ebé kompostu hosi munisípiu Aileu 33.859, Ainaro 45.949, Baucau 96.875, Bobonaro 71.371, Covalima 47.965, Dili 191.423, Ermera 83.213, Lautém 48.665, Liquiça 51.160, Manatuto 35.926, Manufahi 41.012, RAEOA 51.653 no munisípiu Viqueque 58.564.

Dadus eleitór iha diáspora kompostu hosi eleitór sira iha Korea do Súl 1.277, Irlandia 1.264, Portugal 857 no Reinu Unidu 2.234.

Notísia Relevante: Ekipa resensiamentu eleitorál iha diáspora rejista votante 367  

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here