Polisia Nasionál Timor-Leste (PNTL) realiza simulasaun hodi kombate asaun krime iha atividade kampaña no eleisaun Prezidensiál. Imajen/ Natalino Costa

DILI, 25 fevereiru 2022 (TATOLI)— Polisia Nasionál Timor-Leste (PNTL), sesta ne’e, realiza simulasaun hodi kombate asaun krime iha atividade kampaña no eleisaun Prezidensiál tinan ne’e.

Simulasaun ne’e hala’o iha Tasi -Tolu hahú hosi tuku 8:00, dader to’o tuku 11:00 ne’ebé envolve hosi Unidade Polisia Batallaun Ordem Públiku (BOP), Unidade Espesiál Polísia (UEP), Seguransa Pesoál Polísia (CSP), Komandu Operasaun Espesiál (COE), Forsa Reserva (Taskforce), Unidade Operasaun Polisia hosi Kuartál Jerál PNTL, Unidade Operasaun Komandu PNTL Munisípiu Dili, Unidade Tránzitu no Unidade Polísia Marítima (UPM).

Notísia relevante: PNTL hahú kapasita membru asegura kampaña no eleisaun prezidensiál

Iha simulasaun ne’e, fahe ba faze tolu hanesan, oinsá halo seguransa liuliu observasaun ba  situsaun jerál iha kampaña,  asegura kandidatu Prezidente Repúblik siraa  hodi prevene mosu risku liuliu ba kestaun atakasaun masa iha ámbitu kampaña.

Komandu PNTL realiza simulasaun ba memebru PNTL sira ho objetivu prinsipál atu halo preparativu hodi asegura seguransa iha ámbitu kampaña no eleisaun prezidensiál tinan ne’e.

“Ohin, ita halo simulasaun ne’e, hanesan faze preparasaun atu asegura seguransa ba iha atividade kampaña no eleisaun Prezidensiál ne’ebé mak mai,” Komandante Jerál PNTL, Komisáriu Faustino da Costa ba jornalista sira hafoin akompaña atividade simulasaun.

Komisáriu Faustino esplika iha atividade simulasaun membru sira uza ekipamentu protesaun individual hanesan taka oin hodi hasoru apoiante sira iha kampaña karik mosu konflitu, oinsá tiru gas lakrimojéneu hodi hafahe masa ka ema ne’ebé halo perturbasaun.

“Buat sira ne’e ha’u hanoin ita la espera atu akontese, maibé ida ne’e senáriu PNTL nian  nuudar ajente seguransa iha obrigasaun nafatin atu kontinua prevene ba situasaun hirak ne’e,” nia akresenta.

Nune’e, PNTL hahú preparadu atu hasoru kampaña no eleisaun prezidensiál liuliu iha aspetu asegura seguransa iha kampaña no eleisaun prezidensiál to’o anúnsiu rezultadu.

“PNTL preparadu no sempre prepradu atu hasoru kuálker risku sira iha ámbitu festa demokrásia. PNTL nafatin fó seguransa hahú hosi atividade kampaña, eleisaun to’o prosesu kontajen votu,” nia afirma.

Notísia relevante:  PNTL distribui viatura ba komandu munisípiu asegura kampaña no eleisaun

Jornalista: Natalino Costa

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here