Prezidente Konsellu veteranu. Vidal de Jesus "Riak Leman". Imajen Tatoli/Francisco Sony.

DILI, 18 janeiru 2022 (TATOLI)—Prezidente Konsellu Kombatente Libertasaun Nasionál (KKLN), Vidal de Jesus “Riak Leman” hateten, Governu rekolla ona restu mortál 40.000 resin iha territóriu nasionál.

Notísia Relevante: PN husu Governu aselera prosesu rekolla restu mortál

“Iha territóriu nasionál ne’e, Governu halibur ona restu mortál kuaze 40.000-resin hosi ema-ne’ebé mate ba funu hamutuk 1200-resin. Ita rekolla restu mortál, tanba iha funu laran ne’e militar Indonesia soe ema ba tasi laran, oho subar ita la hetan,” Vidal de Jesus “Riak Leman” informa ba Agência Tatoli iha nia knar fatin, Matadouru, tersa ne’e.

Maske restu mortál kuaze 40.000-resin rekolla ona maibé iha ossuáriu balun hanesan iha munisípiu Baucau, postu administrativu Laga nomós iha munisípiu Ainario ne’e, restu mortál  barak mak seidauk haloot iha ossuáriu.

Iha tinan ida-ne’e, nia dehan, atu kontinua rekolla restu mortál ne’e dalaruma iha OJE 2022 ne’e prevee orsamentu maibé sei sei hein tanba jardim dos heroi sira seluk seidauk legaliza no foin mak legaliza jadim dos heroi Metinaro no Liquiça.

Bazea ba planu atu halo jardim dos heroi iha munisípiu sira seluk ne’ebé mak halo hela maibé seidauk tama kritériu kona-ba legalizasaun ne’e, sei falta buat barak mak hanesan ossuário laran seidauk hadi’a.

Entertantu, iha Orsamentu Jerál Estadu (OJE) 2022 ne’e, MAKLN prevee $92,659,660 ne’ebé aloka ba saláriu vensimentu $731,126, bens servisu $3,580,128, kapitál menór $103,200, kapitál dezenovimentu $2,610,000 no transferénsia públika $92,659,660.

Orsamentu ne’e finansia programa rua (2), sub-programa neen, atividade 11, inklui montante $92,659,660 destina ba pagamentu pensaun ba kombantente libertasaun nasionál ne’ebé rejistadu, enkuantu orsamentu ne’e destina hosi transferénsia públika.

Programa boa-governasaun no jestaun instituisionál sei gasta $2,438,701 no programa igualidade jéneru no inkluzasaun sosiál.

Programa boa-governasaun no jestaun instituisionál ho nia sub-programa rua (2) no atividade neen (6).

Programa igulaidade jéneru no inkluzasaun sosiál ho nia objetivu médiu prazu kombatente no respeita família hodi valoriza no apoia.

Nia sub-programa rekuiñesimentu no valorizasaun luta libertasaun nasionál nia atividade rekuñesimentu no valorizasaun veteranu, kombatente no martír libertasaun nasionál, atividade funsionamentu atividade konsellu kombatente libertasaun nasionál.

Sub-programa protesaun sosiál ba kombatente ho nia atividade mak asegura protesaun sosiál ba kombatente.

Sub-programa Infraestrutura ho nia atividade mak konstrusaun monumentu no simetériu espesiál ba veteranu, kombatente no martír libertasaun nasionál.

Sub-programa bolsa estudu ho nia atividadade atribuisaun bolsa estudu ba kombante libertasaun nasionál nia oan sira.

Notísia Relevante: Semitériu eroi munisípiu sira iha prosesu konstrusaun atu haloot restu mortál

Jornalista  : Celestina Teles

Editór        : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here