Deputada CNRT, Carmelita Caetano Moniz. Imajen/Dok. TATOLI

DILI, 17 janeiru 2022 (TATOLI)—Membru Komisaun A trata Asuntu Justisa no Konstitusional, Deputada Carmelita Moniz Caetano, hateten lei eleitorál la dehan ka la fó dalan Prezidente Repúblika (PR) tenke rezigna an hosi kargu, bainhira re-kandidata ba Prezidente Repúblika hodi kompete iha eleisaun prezidensiál.

Notísia Relevante: Re-kandidata an: PR Lú Olo la rezigna an to’o mandatu ramata

“Iha lei eleitorál la dehan presiza halo rezignasaun. Maibé tanba Prezidente Repúblika agora re-kandidata an ona, tuir ha’u-nia haree, se bele halo suspensaun ba nia kargu ho étika morál no polítika tuir konstituisaun,” Deputada Carmelita Caetano hateten ba Agéncia Tatoli iha Parlamentu Nasionál, segunda ne’e.

Tuir nia, iha konstituisaun bainhira PR husu suspensaun klaru sei hato’o ba Parlamentu Nasionál, nune’e tuir lei Prezidente Parlamentu Nasionál automatikamente asume kargu Prezidente Repúblika interinu provizóriu to’o prosesu eleitorál hotu antes anunsia rezultadu.

Deputada CNRT ne’e hateten, bainhira PR la halo suspensaun ba nia kargu mak iha kampaña ka prosesu eleitorál tomak sei la utiliza sasán Estadu nian hanesan karreta ba iha kandidatura nian no labele uza kargu influénsia povu.

“Se Prezidente la halo suspensaun ba nia kargu, iha lei hateten buat ida maibé Prezidente Repúblika labele uza nia imajen públika no sasán Estadu ba interese iha prosesu eleitorál ba nia kandidatura, ida-ne’e labele.  No, bainhira la husu suspensaun sei hala’o nafatin funsaun hanesan Prezidente Repúblika maibé tenke iha limite tuir regra kona-ba prosesu kandidatu eleitorál ne’ebé iha lei eleitorál nian,” nia hateten.

Se akontese mak kandidatu Prezidente Repúblika seluk bele halo reklamasaun ba Komisaun Nasionál Eleisaun (CNE, siglá portugés).

Notísia Relevante: Eleisaun ba Prezidente Repúblika sei akontese iha 19 marsu 2022

Jornalista : Nelson de Sousa

Edisaun    : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here