Administradór Postu Administrativu Cristo Rei, Gaspar da Silva. Imajen/Osória Marques.

DILI, 15 janeiru 2022 (TATOLI)—Administradór Postu Administrativu Cristo Rei, Gaspar da Silva, preokupa tanba alterasaun lei resensiamentu eleitorál, númeru 6/2016, 25 maiu, difikulta sidadaun sira atu trata kartaun eleitorál hodi partisipa másima iha eleisaun prezidensiál 2022.

Notísia Relevante: Alterasaun Lei Resensiamentu Eleitorál garante di’ak liután baze dadus

“Ami autoridade lokál la satisfeitu iha baze relasiona atu susesu iha eleisaun, oinsá ita-nia sidadaun sira partisipa iha eleisaun di’akliu. Foin lalais kona-ba ita-nia altersaun lei resensimantu eleitorál ba ita-nia sidadaun sira atu trata eleitorál lori ho sertidaun batismu maibé ikus mai lei ida-ne’e sira sei lori sertidaun RDTL entaun barak laiha setidaun RDTL,” Gaspar da Silva hateten ba Agência Tatoli iha nia knar fatin, Bebora, Dili, sábadu ne’e.

Hafoin halo alterasaun autoridade lokál sempre hasoru problema iha baze tanba siadadaun sira atu partisipa másimu maibé ho altersaun lei difikulta komunidade atu hasai kartaun eleitorál.

Hatán ba preokupasaun ne’e, Ministru Administrasaun Eleitorál, Miguel Pereira de Carvalho, rekuñese altersaun lei resensiamentu eleitoral agora ne’e difikulta uitoan eleitór sira-ne’ebé atu asesu kartaun eleitorál.

“Altersaun lei eleitorál foin lalais ne’e fó de’it oportunidade no auotiza de’it timor-oan ka ema sidadaun timor-oan de’it mak belé iha kartaun eleitorál. Nune’e, atu sai sidadaun timor-oan, nia tenke iha sertidaun RDTL, BI no pasaporte, foin bele asesu ba kartaun eleitorál no atu vota tenke sidadaun timor-oan,” governante ne’e klarifika.

Notísia Relevante: PR promulga alterasaun dahuluk Lei Resensiamentu Eleitorál

Autoridade lokál no lideransa komunitária hotu, kona-ba taxa partisipasaun iha eleisaun 2017-2018 ne’e iha 80% ne’ebé ki’ik, tanba fatór la’ós sidadaun sira la vota maibé ema iha kartaun eleitorál maibé hala iha estranjeiru mak mai Timor atu hetan de’it kartaun eleitorál sai sidadaun  rai seluk.

Tanba, sira hetan kartaun eleitorál iha benefísiu seluk hanesan pagamentu pensaun potugés nian, balun hakarak iha kotuk rejista rai ne’ebé promovidu servisu hosi kadastru nomós mosu fraude eleitorál iha tempu pasadu, sidadaun sira hosi fronteira mos tuir vota.

“Ita opta sidadaun timor–aon mak bele vota. Ami observa bazea esperiénsia iha terreñu ba altersaun lei eleitorál ida-ne’e, ho ita-boot sira-nia komentáriu iha nesesáriu ami bele revee fali. Ami agradese ita-boot sira-nia observasaun iha terrenu, nia dehan.

Governante ne’e jusu ba autoridade lokál atu servisu makaas hodi fó susesu ba iha eleisaun prezidensiál ne’ebé mak sei hahú iha fulan marsu tinan ne’e.

“Ha’u apela ba líder komunitária sira hotu, hala’o servisu hodi fó susesu ba eleisaun presidensiál ne’ebé sei monu iha fulan-marsu primeiru volta no se karik ekontese segunda volta mak sei hahú iha fulan-abríl no sei aumenta sentru votasaun no estasaun votu iha territóriu, inklui iha munisípiu Dili no STAE ho CNE sei fó susesu realiza eleisaun 2022 ne’e,” nia apela.

Antes ne’e, iha loron 14 fulan-jullu tinan 2021, Prezidente Repúblika, Francisco Guterres Lú Olo, promulga ona alterasaun daneen ba Lei Eleitoral ba Prezidente Repúblika, númeru 7/2006, 28 dezembru, ne’ebé hato’o hosi Parlamentu Nasional, liuhosi dekretu númeru 44/V.

Dekretu hosi Parlamentu Nasional (PN) nakfila ba Lei bainhira Prezidente Repúblika promulga no publika iha Jornál Repúblika.

Lei Eleitoral ba Prezidente Repúblika aprova iha Parlamentu Nasionál iha 28 juñu 2021 no Prezidénsia Repúblika simu iha 6 jullu 2021. Prezidente Repúblika promulga iha 12 jullu 2021 no publika iha Jornál Repúblika.

Notísia Relevante: Kaleidoskópiu 2021: PN aprova OJE 2022-altera pakote lei eleitorál tolu

Jornalista : Celestina Teles

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here