Unidade Polísia Fronteira (UPF). Imajen/PNTL

DILI,03 janeiru 2022 (TATOLI)— Komandante Jerál Polísia Nasionál Timor-Leste, Komisáriu Faustino da Costa, orienta ba Polisia Unidade Fronteira (UPF), Komandante munisípiu Covalima no Bobonaro, atu hametin seguransa iha liña fronteira terrestre hodi trava movimentasaun no atividade merkadoria ilegál iha fronteira.

Komandante Jerál PNTL, Komisáriu, Faustino da Costa. Imajen Tatoli/Egas Cristovão

“Ha’u husu ba Komandante Unidade Parollamentu Polísia Fronteira (UPF) no Komandante Munisípiu  ne’ebé iha fronteira halo koordenasaun atu evita movimentasau ilegál, atu nune’e  ita lakohi buat ne’ebé akontese iha 2021 akontese tan iha 2022,” Komisáriu Faustino da Costa, hateten iha ámbitu pose ba komandante munisípiu rua no komandante UPF, iha kuartél Jerál-Caicoli, segunda ne’e,

Notísia Relevante: Semana tolu, PNTL detein ema na’in 153 hakat ilegál

Tanba, iha tinan 2022 nudar tinan ne’ebé kompleta ezistésia ka aniversáriu arte marsiál liuliu Persaudaraan Setia Hati Terate (PSHT) nian  ba  dala-100.

Nune’e, Komandante Jerál ne’e, husu ba komandante PNTL hotu liuliu komandante Unidade Polísia Fronteira(UPF) atu asegura fronteira hodi  prevene ema labele halo pasajen ilegál no atividade ilísitu sira.

“Ita haree sei iha movimentasaun ne’ebé makas iha tinan ne’e, tanba liga ho ejistésia arte marsiál Persaudaraan Setia Hati Terate (PSHT) nian badala-100, tanba ne’e presiza halo kontrola iha liña fronteira sira nune’e prevene ema tama  sai iha territóriu nasionál,” nia akresenta.

Notísia Relevante: UPF detein sidadaun Indonézia na’in-ida hakat ilegál fronteira

Jornalista : Natalino Costa

Editór       : Florencio Miranda Ximenes

PUBLISIDADEiklan

1 KOMENTÁRIU

HAKEREK NO HATÁN

Please enter your comment!
Please enter your name here