Max Stahl. Imajen/Espesiál

DILI, 15 dezembru 2021 (TATOLI)— Parlamentu Nasionál liuhosi Vise Prezidente, Maria Angelina Sarmento Lopez, akompaña ho Deputadu sira no funsionáriu Parlamentu presta omenajen ba  Max Stahl nia ahu-kdesan  iha Sentru Áudiovisual Max Stahl nian, Kolmera-Benfika Dili.

“Ami nia sentimentu profunda kondólensia ba família  no mós ami nian agradesimentu bo’ot ba maun Max Stahl nian kontribuisaun ba luta ba libertasaun nasionál, liuhosi halo filmajen Masakre Santa Cruz 12 Novembru 1991 ne’ebé fanun mundu tomak kona-ba sofrimentu timoroan sira nian ne’ebé ohin loron Timor hamriik hanesan nasaun indepedente ida iha mundu,” Vise Prezidente PN ne’e, hateten ba jornalista sira bainhira presta ómenajen ba Saudozu Max Stahl, kuarta ne’e.

Notísia Relevante: PN aprova votu pezár ba saudozu Dom Basílio no Max Stahl

Nia dehan, Max Stahl nuudar eroi da pátria no amigo povu doben Timor-Leste nian, fó ona nian kontribuisaun direita  ba Timor nia kauza ba ukun rasik an.

“Hanesan ema estrajeiru ida, maibé fuan fó ba Timór hodi fó nia aan tomak ba Timór nia kauza,  Ami hein katak família maun Max Stahl iha forsa atu hasoru dezafiu sira,” Vise Prezidente Parlamentu Nasionál  akresenta.

Nune’e mós Prezidente Tribunál Rekursu, Deolindo do Santos ne’ebé akompaña hosi nia espoza no funsionáriu sira presta mós ómenajen ba Saudozu Max Stahl.

Alende ne’e, Membru Governu-sira inklui  entidade Estadu liuliu eis titular orgaun soberanu sira mós presta ona ómenajen ba Saudozu Max Stahl.

Tuir ajenda,  loron 16 dezembru sei iha atividade konta istória hosi ema sira ne’ebé uluk iha komunikasaun ho Max Stahl.

Entretantu, Iha loron 17 dezembru dadersan, sei lori sai hosi CAMTL ba Motael halo misa ikus nian ne’ebé planu sei prezide hosi Arsebispu Arkidioseze Metropilitana Dili, Don Virgílio do Carmo da Silva, tanba hato’o ona karta, misa hotu sei la’o ain ba to’o semitériu Santa Cruz hodi haloot.

Sinza Saudozu Max Stahl sei haloot iha Simitériu Santa Cruz, ne’ebé hanesan fatin akontese Masakre Santa Cruz 1991, no fatin hakoi ka subar rollu ne’ebé mak nia hasai foto no video, atu Militár indonéziu labele foti.

Notísia Relevante:PM Taur: Estadu Timor-Leste fó omenajen ba Saudozu Max Stahl

Jornalista : Natalino Costa

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here