Situasaun debate no votasaun OJE 2022 iha faze espesialidade, iha sala plenária Parlamentu Naasionál, segunda (13/12). Imajen TATOLI/António Gonçalves

DILI, 14 dezembru 2021 (TATOLI)—Parlamentu Nasionál, tersa ne’e, aprova Orsamentu Jerál Estadu (OJE) 2022 ba Hopsitál Nasionál Guido Valadares (HNGV) ho montante $11.007.875 iha espesialidade ho votu afavor 46, abstensaun 11 no kontra 0.

“Nune’e, orsamentu ba Hospitál Nasionál Guido Valadares (HNGV) aprovadu,’’ Prezidente Parlamentu Nasionál, Deputadu Aniceto Longuinhos Guterres Lopes, hateten, iha sala plenária Parlamentu Nasionál, tersa  ne’e.

Notísia Relevante: OJE 2022: HNGV prevee millaun $11 finansia programa rua

Hosi totál $11.007.875 fahe ba kategoria salariu no vensimentu $5.992.132, bens no servisu $3.915.956, kapitál menór $500.000, kapitál dezenvolvimentu $599.787

Diretór Ezekutivu Hospitál Nasionál Guido Valadares Alito Soares, antes ne’e informa, iha OJE 2022 aloka $11,007,875 atu finansia programa  governasan di’ak no jestaun institusionál no saúde.

“Ita husu millaun $14 ba tinan 2022, maibé Governu deside aloka de’it $11,007,875 ne’e siginfika menus, maibé atendimentu ka planu ne’ebé mak ospitál iha, alende rekursu umanu no estensaun ba ekipamentu presiza nafatin tau atensaun,’’ Diretór Ezekutivu HNGV ne’e, hateten ba  Agência TATOLI, hafoin audénsia públika ho Komisaun F iha Parlamentu Nasionál, segunda ne’e.

Iha OJE 2022 sei finansia programa rua, sub programa 15 no atividade 44 hanesan, programa ho kódigu 510 kona-ba boa Governasaun no jestaun institusionál previstu montante $2.212.014 no programa kódigu 805 kona-ba saúde aloka montante $399.787.

HNGV aprezenta iha 2022 ho estimativa forsa traballu rejime jerál funsionáriu 314, kompostu feto 136 no mane 178. Enkunatu rejime espesiál konta totál funsionáriu 738, hanesan feto 435 no mane 303 no totál kargu okupadu no pesoál dahuluk númeru existente no nova proposta hamutuk pesoál 51.

Notísia Relevante: Setembru, ema na’in-ualu mate iha sala emerjénsia HNGV

Jornalista : Felicidade Ximenes

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here