HNGV. Foto google

DILI, 8 novembru 2021 (TATOLI)— Diretór Ezekutivu Hospitál Nasionál Guido Valadares Alito Soares, informa, iha OJE 2022 aloka $11,007,875 atu finansia programa  governasan di’ak no jestaun institusionál no saúde.

“Ita husu millaun $14 ba tinan 2022, maibé Governu deside aloka de’it $11,007,875 ne’e siginfika menus, maibé atendimentu ka planu ne’ebé mak ospitál iha, alende rekursu umanu no estensaun ba ekipamentu presiza nafatin tau atensaun,’’ Diretór Ezekutivu HNGV ne’e, hateten ba  Agência TATOLI, hafoin audénsia públika ho Komisaun F iha Parlamentu Nasionál, segunda ne’e.

Hosi totál $11,007,875 fahe ba kategoria salariu no vensimentu $5,992,132, bens no servisu $3,915,956, kapitál menór $500,000, kapitál dezenvolvimentu $599,787

Iha OJE 2022 sei finansia programa rua, sub programa 15 no atividade 44 hanesan, programa ho kódigu 510 kona-ba boa Governasaun no jestaun institusionál previstu montante $2,212,014 no programa kódigu 805 kona-ba saúde aloka montante $399,787.

“Ita haree orsamentu ne’e seidauk responde nesesidade másimu ba HNGV nian ho razaun ida ne’e mak Prezidente Komisaun F iha parlamentu nasionál konvida instituisaun autónomu sira husi Ministériu saúde hodi klarifika informasaun ne’ebé liga ba OJE 2022,” nia akresenta.

Entretantu, HNGV aprezenta iha 2022 ho estimativa forsa traballu rejime jerál funsionáriu 314, kompostu feto 136 no mane 178. Enkunatu rejime espesiál konta totál funsionáriu 738, hanesan feto 435 no mane 303 no totál kargu okupadu no pesoál dahuluk númeru existente no nova proposta hamutuk pesoál 51.

Kona-ba ezekusaun orsamentu 2021 HNGV atinje ona 80%.

Notísia Relevante: Setembru, ema na’in-ualu mate iha sala emerjénsia HNGV

Jornalista : Felicidade Ximenes

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here