Pesoál saúde prepara hela Vasina AstraZeneca iha sentru vasinasaun, kuarta (18/11). Imajen TATOLI/António Gonçalves

DILI, 26 novembru   2021 (TATOLI)—Sala Situasaun, Sentru Integradu Jestaun Krize (CIGC,sigla portugés) relata, ohin,  kazu detetadu foun ida , rekuperadu laiha no kazu ativu tolu.

”Kazu detetadu foun ohin  ida ativu tolu,” Adjunta Koordenadora Forsa-Tarefa ba Prevensaun no Mitigasaun, Odete da Silva Viegas, hateten liuhosi nota ne’ebé Agência TATOLI asesu sesta ne’e.

Notísia Relevante: Vasina Pfizer doze dahuluk atinje ona 18,4%

Nune’e, hahú 21 marsu 2020 to’o 26  novembru 2021 iha kumulativu kazu konfirmadu 19.821 no óbitu 122.

Hosi horisehik mai ohin, Laboratóriu Nasionál Saúde halo teste PCR 190, kompostu vijilánsia sentinela haat, rastreiu ba kontaku  laiha, rastreiu aleatóriu 23, viájen internasionál na’in-127, follow up iha kuarentena 36.

Alende ne’e, totál teste PCR ne’ebé halo iha 25 novembru iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 137, hanesan Maubisse tolu, Maliana sia, Viqueque rua , Suai  17 , Baucau 25, Ermera laiha, RAEOA laiha , HNGV 57, Lautém laiha, Vera Cruz  24.

Populasaun elijível tinan 18 ba leten, ne’ebé simu ona vasina to’o iha loron 26 novembru, tuir sistema informasaun Saúde iha Ministériu Saúde, hanesan kumulativu 1ª doze iha Dili (86,1%) no kumulativu 2ª doze iha Dili (76,4%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 80,4% no simu ona doze daruak 57,8%.

Hosi insidénsia COVID-19 iha Timor-Leste, durante loron hitu ikus maka 0,1/100 mil abitante,

Iha loron 26 novembru 2021, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu la iha , moderadu la iha no kaman na’in la iha.

Notísia Relevante: Ohin, Timor-Leste laiha kazu pozitivu COVID-19

Jornalista : Felicidade Ximenes

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here