Estudante Escola Maria Auxiliadora Comoro Dili idade 12-17 forma hodi simu vasina Pfizer hosi pesoál saúde, tersa (09/11). Imajen TATOLI/António Gonçalves

DILI, 25 novembru   2021 (TATOLI)— Governu Timor-Leste liuhosi Sala Situasaun, Sentru Integradu Jestaun Krize (CIGC, sigla Portugés) relata, ohin, kazu detetadu foun laiha, rekuperadu laiha no kazu ativu hela rua.

”Kazu detetadu foun laiha no hela de’it kazu ativu rua,” Adjunta Koordenadora Forsa-Tarefa ba Prevensaun no Mitigasaun, Odete da Silva Viegas, hateten liuhosi nota ne’ebé Agência TATOLI asesu, kinta ne’e.

Nune’e, hahú 21 marsu 2020 to’o 25 novembru 2021 iha kumulativu kazu konfirmadu 19.820 no óbitu 122.

Hosi horisehik mai ohin, Laboratóriu Nasionál Saúde halo teste PCR 172, kompostu vijilánsia sentinela la iha, rastreiu ba kontaku laiha, rastreiu aleatóriu sia viájen internasionál na’in-136, follow up iha kuarentena la iha.

Alende ne’e, totál teste PCR ne’ebé halo iha 24 novembru iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 109, hanesan Maubisse neen, Maliana 18, Viqueque laiha, Suai 21, Baucau hitu, Ermera laiha, RAEOA laiha , HNGV 57, Lautém laiha, Vera Cruz  la iha.

Populasaun elijível tinan 18 ba leten, ne’ebé simu ona vasina to’o iha loron 25 novembru, tuir sistema informasaun Saúde iha Ministériu Saúde, hanesan kumulativu 1ª doze iha Dili (86,0%) no kumulativu 2ª doze iha Dili (76,2%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 80,2% no simu ona doze daruak 57,1%.

Hosi insidénsia COVID-19 iha Timor-Leste, durante loron hitu ikus maka 0,1/100 mil abitante,

Iha loron 25 novembru 2021, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu laiha, moderadu la iha no kaman na’in la iha.

Notísia Relevante: COVID-19: rekuperadu lima no ativu rua

Jornalista : Felicidade Ximenes

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here