Sekretáriu Estadu Juventude no Desportu, Abrão Saldanha. Imajen SEJD/Dok.

DILI, 11 novembru 2021 (TATOLI)– Sekretáriu Estadu Juventude no Desportu (SEJD), Abrão Saldanha, husu ba juventude ohin loron atu fó valorizasaun ba éroi 12 Novembru liuhosi kria pás no estabilidade  hodi kontribui ba prosesu dezenvolvimentu nasionál. 

“Valór ne’ebé joven-sira halo iha tempu ne’ebá importante tebes ba ukun rasik aan, nune’e husu ba ita nian foin-sa’e sira atu valoriza nafatin no banati espíritu ida ne’e hodi kontribui ba pás no estabilidade atu dezenvolvimentu la’o di’ak,” SEJD Abraão, hateten ba Agência TATOLI iha knaar fatin-Lecidere Dili, kinta ne’e.

Notísia relevante: Governu aloka $21.000 komemora masakre Santa Kruz 12 Novembru

Masakre Santa Kruz 12 Novembru 1991 mak simboliza joven-sira nia determinasaun hodi fanu mundu tomak nia matan haree ba kauza militár Indonézia halo ba povu Timor-Leste. 

“Asaun ne’ebé Joventude loriku asuwa’in-sira halo iha 12 Novembru 1991 kontribui ba habadak prosesu funu iha Timor -Leste,” nia akresenta.

Nune’e, Estadu deside masakre Santa Kruz 12 Novembru sai loron importante ba juventude sira halo reflesaun no fó valorizasaun ba erói sira ne’ebé fó aan ba mate hodi liberta pátria no kontinua hamutuk luta ba liberta povu hosi ki’ak no mukit.

Iha era ukun an ne’e, SEJD iha polítika atu kria espasu ba joven-sira liu hosi area oin-oin hodi esplora-sira an sai autór ba prosesu dezenvolvimentu nasionál.

“Ita presiza kria espasu ba Juventude sira atu partisipa iha formasaun liuliu edukasaun atu kontribui ba  dezenvolvimentu nasionál,” nia konklui.

Notísia relevante: Loron 12 novembru nu’udar reflesaun ba foin-sa’e iha era independénsia

Jornalista : Hortencio Sanchez

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here