Sobrevivente Masakre 12 Novembru 1991, Sergio Marques ‘Amali’ tr hela iha semitériu Santa Crus bainhira militár Indonézia tiru namanas jvende lorico asswa’in ne’ebé halo manifestasaun iha tempu ne’ebá. Imajen/Espesiál

DILI, 08 novembru 2021 (TATOLI) – Governu liuhosi Sekretáriu Estadu Juventude no Desportu aloka  $21.000 ba Komisaun Organizadora atu komemora loron Masakre Santa Kruz 12 novembru dala-30.

“Governu liuhosi Sekretariu Estadu Juventude no Desportu (SEJD) haraik orsamentu hamutuk $21.000 hodi hala’o atividade iha komemorasaun loron istóriku ho atividade neen,” Prezidente Komisaun Organizadora, Danilson Guterres, hateten ba Agência TATOLI iha edifisiu SEJD-Leicidere, segunda ne’e.

Notísia Relevante: Komité 12 Novembru kontinua valoriza luta uluk nian

Programa neen mak Komisaun Organizadora trasa ona hahú hosi kalan reflesaun no misa ba Saudozu Sebastião Gomes ne’ebé hala’o ona iha loron 27 no 28 fulan-outubru, iha loron 08 novembru hala’o konsulta masál ba sobrevivente hotu, iha loron 10 novembru halo limpeza jerál iha semitériu Santa Cruz, 11 novembru kalan halo reflesaun iha semitériu Santa Kruz no 12 novembru halo komemorasaun ba loron importante ne’e.

Komemorasaun 12 novembru dala-30 ho tema “Komemorasaun Masakre Santa Cruz ho Espíritu Asuwain 12 Novembru Nian, Juventude Sai Autor Importante ba Proteje Timor-Leste hosi COVID-19”.

Tuir Prezidente KO katak objetivu hosi tema ne’ebé fó hosi SEJD tanba haree Timor-Leste enfrenta hela ba moras COVID-19.

“Deside tema ne’e atu ho espíritu asuwain 12 Novembru hafanu juventude sira atu hamutuk luta ba kombate COVID-19 iha Timor-Leste,” nia subliña.

Tuir oráriu iha 12 novembru tuku, 07:30, dader, hala’o misa iha Igreja Motael, hafoin marsa hosi Motael ba Santa Cruz hodi komemora loron istóriku ne’e.

Notísia Relevante: Sobrevivente 12 novembru: sai koordenadora ba unidade TBC atu servi povu

Jornalista : Hortencio Sanchez

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here