Prezidente Repúblika, Francisco Guterres Lú olo, no jornalista no realizadór filme Masakre Santa Crus 12 novembru 1991. Imajen/Mídia PR.

DILI, 28 outubru 2021 (TATOLI)—Prezidente Repúblika, Francisco Guterres Lú Olo, hato’o sentidu pézame ba família saudozu Max Stahl, tanba lakon éroi ida-ne’ebé luta ba Timor-Leste nia libertasaun.

Notísia Relevante: Governu Timor-Leste hato’o sentidu lutu ba falesimentu éroi Max Stahl

“Ha’u hato’o sentidu pézame ba família saudozu Max Stahl, ne’ebé sempre hamriik metin ho nia husi tempu ne’ebé ita koñese iha Timor-Leste,” Prezidente Repúblika, Francisco Guterres Lú Olo, hateten liuhosi komunikadu imprensa ne’ebé Agência Tatoli asesu, kinta ne’e.

Prezidente Repúblika ho laran taridu tebes mak simu notísia katak amig boot no kompatriota Max Stahl hakotu iis iha Brisbane, Auustrália, iha tuku 04h33, kinta (28/10) dadeersan.

“Ha’u fó-sai ha’u-nia rekoñesimentu ba buat hotu-hotu ne’ebé Max Stahl halo ba ita-nia país no povu, molok no hafoin restaura ita-nia independénsia, nu’udar ema ida ka’er metin kauza no valor,” PR Lú Olo hateten.

Prezidente Repúblika, Francisco Guterres Lú Olo ho nia naran rasik no nu’udar Prezidente Repúblika, hetan previléjiu no onra hetan malu ho Max Stahl.

“Iha ha’u-nia memória, ha’u sei rai metin liafuan sira ami na’in-rua hato’o ba malu no momentu di’ak hori uluk hamutuk,” Prezidente Repúblika hateten.

Notísia Relevante: Max Stahl nia obra jornalístiku influénsia komunidade internasionál

Jornalista: Nelson de Sousa

Editór: Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here