Imajen/ Espesial

DILI, 28 outubru 2021 (TATOLI)— Diretór Ezekutivu Fundasaun Klibur Domin Tibar, Joaquin Freitas Soares, relata hahú fulan-jullu to’o setembru rejista pasiente Tuberkuloze ka TBC ema na’in-257.

“Ita konsege deteta kazu no fó tratamentu ba pasiente Tuberkuloze iha munisípiu haat hamutuk 257, ne’ebé maioria idade 15 ba leten,” Diretór Ezekutivu ne’e, hateten ba Agência TATOLI, via telefónika, kinta ne’e.

Notísia Relevante: Timor-Leste iha kompromisu serbisu ho parseiru prevene no kura Tuberkuloze

Hosti totál paseinte 257, kompostu munisípiu Liquiça ho Viqueque na’in-104, Baucau no Dili (Atauro no Metinaro) 153.

Pasiente hirak ne’e ho kondisaun di’ak hotu tanba Profisionál Saúde sira halo tratamentu iha nia uma.

“Ita serbisu hamutuk ho pesoál saúde sira iha munisípiu no postu saúde no voluntáriu sira atu fó atendimentu saúde iha nia uma, maibé bainhira ita deteta pasiente balun grave maka transfere mai iha iha klínika Tibar hodi halo tratamentu intensivu,’’ nia afirma.

Daudaun, Klínika Klibur Domin Tibar hala’o tratamentu intesivu ka baixa pasiente na’in-24, kompostu mane 15 no feto na’in-sia, maioria hosi munisípiu Liquiça.

Governu liuhosi Primeiru Ministru Taur Matan Ruak, hamutuk ho parseiru, asina ona kompromisu hodi hapara Tuberkuloze iha Timor-Leste liuhosi meiu oioin liuliu kampaña nasionál.

Governu hakarak halo investimentu iha luta hasoru Tuberkuloze no moras seluk ho rsiku hada’et ne’ebé a’as, la’ós de’it despeza ida, maibé desizaun justa atu povu moris ho saudavél.

Tuberkuloze afeta ema kuaze 500/1000 no ema mate 100/1000 iha Timor-Leste ne’ebé reprezenta taxa insidénsia boot liu daruak iha rejiaun Sudeste Aziátiku no nasaun ho númeru infetadu a’as liuiha mundu tomak.

Tuir peskiza, kuaze tinan barak nia laran 30% to’o 40% timoroan maka pozitivu Tuberkuloze, maibé la konsege deteta hodi kontinua hada’et iha komunidade.

Notísia Relevante: MS planeia kampaña nasionál prevene no kura Tuberkuloze

Jornalista       : Felicidade Ximenes

Editór             : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here