Ro Tranship II. Imajen Tatoli/Francisco Sony

DILI, 27 outubru 2021 (TATOLI)— Komisáriu Komisaun Anti-Korupsaun (CAC, sigla portugés), Sergio Hornai, informa ekipa tékniku investigasaun iha faze  analiza hela pedidu pagamentu ró-ahi Tranship II hosi Konsellu Administrasaun Autoridade Portuáriu Timor-Leste (APORTIL).   

“Agora iha hela faze analiza atu hatene kona ba asuntu ida ne´e, tanba ne´e ha’u hein pareser tékniku ne’ebé maka Diresaun Investigasaun Kriminálidade, hafoin deside atu halo pagamentu ou la’e,” Komisáriu Sergio Hornai, hateten ba Agência TATOLI iha Colmera, kuarta ne´e.

Notísia Relevante: Konklui verifikasaun faktu ró Tranship, CAC sei submete krime ba MP

APORTIL haruka duni pedidu mai CAC, hodi ko’alia kona-bá andamentu administrativa balun ne´ebé presiza asegura, nune´e bele efetua pagamentu ba kontratu Governu halo ho empreza ró Tranship II.

“Ami simu ona pedidu hosi APORTIL ba pagamentu ró-ahi Traship II, nune´e mós koalia kona-ba andamento de marsa administrativa balun ne´ebé presiza assegura, hodi nune´e bele efetua pagamentu ba arendamentu ka kontratu ne’ebé maka ita halo ho kompañia ró Tranship II,”  Komisáriu CAC akresenta.

Governu liuhosi Ministériu Transporte no Komunikasaun halo akordu kontratu ho kompañia Atralata Estrategi hosi Indonézia, hodi be;e opera ró-ahi KMP Tranship II iha Timor-Leste, ne’ebé ró-ahi ne’e atrara iha portu iha 25 maiu.

Kontratu ho kompañia estranjeiru ne’e, kada fulan $220.000, ho ninia kapasidade tula pasejeiru hamutuk na’in-300 inklui sasán ho kapasidade tonelada 1.000-resin.

Tuir planu, ró-ahi ne’e temporariamente opera entre Dili bá Oé-cusse no Dili bá Ataúro, hodi hein manutesaun ró-ahin Berlin Nakroma no Success.

Notísia Relevante: Kazu ró Tranship II, CAC hala’o mandadu buska no apreensaun ba APORTIL

Jornalista             : Natalino Costa

Editór                   : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here