ANPM entrega dokumentu safety case ba Kompaña Timor Resources at halo perfurasaun ba mina-matan. Imajen Tatoli/Jorge António Guterres.

COVALIMA, 26 outubru 2021 (TATOLI)—Kompañia Timor Resources, kuarta (27/10) aban sei hala’o perfurasaun mina iha rai maran ba posu Feto Kmaus no Feto Liurai iha Covalima, tanba Autoridade Nasionál Petróleu no Minerál (ANPM) aprova ona dokumentu analiza seguransa indústria. 

Notísia Relevante: ANPM garante perfurasaun mina-matan iha Suai laiha impaktu ambientál

“ANPM halo ona aprovasaun ba dokumentu hodi analiza seguransa iha indústria, ita bolu Safety Case no aprovasaun ba planu perfurasaun ba Posu Feto Kmaus. Ho aprovasaun ba dokumentu safety case no aprova planu perfurasaun sei fó dalan ba kompañia Timor Resources atu halo servisu preparativu sira-ne’ebè belé fasilita hala’o lansamentu iha loron 27 fulan ne’e,” Vise-Prezidente ANPM, José Manuel Gonçalves, hateten ba jornalista sira liuhosi konferénsia imprensa iha Aeroportu Kay Rala Xanana Gusmão Covalima, segunda ne’e. 

Durante ne’e, prosesu atu halo aprovasaun lori tempu naruk tanba natureza hosi atividade perfurasaun mina ho risku ne’ebè sei mai hosi atividade perfurasaun mina ne’e bo’ot. 

Tanba ne’e, nia dehan, presiza péritu sira-nia opiniaun atu halo maneira preventiva no mitigasaun sira hodi responde ba kualker risku ne’ebè identifika asosiadu ho atividade perfurasaun. 

“Durante ANPM halo esforsu no halo kooperasaun ho kompañia Timor Resources mai ho péritu lubuk ida hodi responde no avaliasaun tékniku durante ne’e ANPM halo to’o ikus, ita bele emite faze aprovasaun importante rua ne’e,” nia hateten. 

Nune’e mós, nia dehan, serbisu preparativu ne’ebè empreza halo bazea ba ANPM aprova ona no fó parabéns ba kompañia Timor Resources tanba hetan aprovasaun atu hahú halo ona perfurasaun mina iha rai maran.

Espera katak, esforsu ne’ebè durante ne’e tau hamutuk, iha tempu badak bele fó rezultau liu-liu rezultadu perfurasaun bazea ba planu ne’ebè aprovadu ona. 

Iha konferénsia imprensa ne’e, ANPM entrega dokumentu aprovasaun safety case ba Kompañia Timor Resources no dokumentuu ne’e relasiona ho avaliasaun risku no  maneira preventiva no mitigasaun. 

Téknikamente, tuir nia, importante tebes tanba dokumentu ne’e aprova ona mak foin kontinua halo avaliasaun atividade perfurasaun. 

“Ami entrega ona ba Timor Resources. Aprovasaun ba safaty case ba perfurasaun mina posu Feto Kmaus no Feto Liurai sei tuir mai. Aprovasauun ba planu perfurasaun ne’e sei hala’o iha loron 27 fulan ne’e,” nia dehan. 

Notísia Relevante: Instalasaun ekipamentu perfurasaun mina área prizaun Covalima atinje ona 95%

Lia-na’in Nikir Kalabu’uk husu lisensa ba natureza molok halo perfurasaun

Jornalista : Celestina Teles

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here