Prezidente Parlamentu Nasionál (PPN), Aniceto Longuinhos Guterres Lopes. Imajen TATOLI/Francisco Sony.

DILI, 19 outubru 2021 (TAOLI)—Proposta lei númeru 35/V (4a) Orsamentu Jerál Estadu (OJE) 2022 baixa ona ba iha Komisaun Espesializada Permanente (KEP) sira hodi halo analize hafoin halo relatóriu no paresér.

Notisia Relevante: Governu submete Proposta Lei OJE 2022 biliaun $1,675 ba PN

“Meza anunsia, ohin deklara iha ona despaixu baixa proposta-lei OJE 2022 hodi konvida komisaun C atu bele mai simu atu bele aprezenta paresér,” Prezidente Parlamentu Nasionál, Aniceto Longnhos Guterres Lopes, anunsiu liuhosi plenária Parlament Nasnál, tersa ne’e.

Iha biban ne’e, Prezidente Parlamentu Nasionál konvida mós prezidente komisaun espesializada permanente sira seluk hanesan komisaun A, B, D, E, F no G atu simu proposta-lei OJE 2022.

“Proposta lei OJE 2022 baixa ona, dezeja servisu di’ak ba komisaun C atu prepara relatóriu n paresér no komisaun sira seluk sei prepara paresér setoriál ne’ebé sei junta hamutuk ho komisaun C mai iha plenária,” Aniceto Guterres hateten.

Na dehan, hahú aban (kuuarta, 20/10) meza sei la konvoka plenária extraordinária, nune’e hodi fó biban liu-liu ba komisaun C atu prepara kalendáriu orsamentu atu submete ba konferénsia líder bankada iha kinta-feira (21/10).

Komisaun Espesializada Permanente (KEP) iha Parlamentu Nasionál hamutuk hitu kompostu hosi komisaun A ne’ebé trata asuntu Justisa no Konstituisionál, Komisaun B trata asuntu Negósiu Estranjeiru, Defeza no Seguransa, Komsaun C trata asuntu Finansa Públika.

Komisaun D trata asuntu Ekonomia no Dezenvolvimentu, Komisaun E trata asuntu Infraestrutura, Komisaun F trata asuntu Saúde, Seguransa Sosiál no Igualidade Jéneru no Komisaun G trata asuntu Edukasaun, Juventude, Kultura no Sidadania.

Iha loron 15 outubru tinan-ne’e, Governu liuhosi Ministériu Finansa (MF) submete ona Proposta Lei Orsamentu Jerál Estadu (OJE) 2022 ho montante biliaun $1,675 ba Parlamentu Nasionál.

Proposta-lei OJE 2022 ne’e, aprezenta direta hosi Ministru Finansa, Rui Agosto Gomes, akompaña mós hosi Ministru ba Asuntu Parlamentár no Komunikasaun Sosiál, Francisco Martins da Costa Perreira Jerónimo.

Notisia Relevante: Governu aprova Proposta Lei OJE 2022 biliaun $1,675

Jornalista : Nelson de Sousa

Editór      : Cançio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here