Diretòr PNDS Munisípiu Covalima, Filipe Cardoso Vieira. Imajen Tatoli/Celestina Teles.

COVALIMA, 12 outubru 2021 (TATOLI)—Diretór Programa Nasionál Dezenvolvimentu Suku (PNDS) Covalima, Filipe Cardoso Vieira, informa konstrusaun Uma Kbiit Laek (UKL) ba ema kbiit laek sira iha munisípiu Covalima foin atinje 18,30%. 

Notísia Relevante: PNDS sei harii uma kbiit-laek 90 iha Covalima

“Konstrusaun UKL ba família vulnerável, PNDS implementa iha suku 30, iha postu administrativu hitu (7) iha munisípiu Covalima, ita halo separasaun kada postu oras ne’e persentajen kumulativu foin atinje 18,30%,” Filipe Cardoso Vieira hateten ba jornalista sira iha nia kna’ar fatin, Covalima, tersa ne’e. 

Konstrusaun komulativu foin atinje 18,30% tanba konstrusaun iha kada postu administrative, hanesan iha Fatululik konstrui uma neen (6) ne’e atinje ona 37.60% , Zumalai uma 24 atinje 27.3%, Suai Vila uma 15 no konstrusaun foin atinje 5.69%, Tilomar unidade 12 atinje ona 26.68%, Maucatar unidade 12  foin atinje 7% no Fohorem konstrui uma 12 ne’ebé foin atinje 22.11%. 

Munisípiu Covalima iha postu administrativu hitu, suku 30 no aldeia 148 ne’e, ùniku postu administrativu Fatumea mak seidauk implementa no halo konstrusaun ba Uma Kbiit Laek sia (9) ba família vulnerável sira. 

Razaun Fatumea seidauk konstrui UKL ba Família vulnerável, nia dehan, tanba funsionáriu PNDS atuál hetan promosaun liuhosi selesaun pur mèritu hala’o servisu iha administrasaun iha postu administrativu Fatumea.  

Ho dezafiu hirak ne’e mak ekipa PNDS Covalima foin mak konstrui Uma Kbiit Laek hamutuk 90 ho ninia porsentajen komulativu foin mak atinje 18,38%. 

Dezafiu ne’ebè mak ekipa PNDS hasoru durante konstrui UKL ne’e mak estrada aat, entaun Sekretária Téknika PNDS Nasional hala’o ona koordenasaun ho Inspesaun Jerál Estadu (IGE, sigla portugés) tatu fó apoiu hodi fasilita loke estrada, no PNDS munisípiu mós esfosu hodi mobiliza komunidade hadi’a estrada sira-ne’ebè identifikadu hanesan grave mak hanesan iha aldeia Lorokida no suku Lepo ne’ebé la asesu estrada.

Maske nune’e, ekipa PNDS kontinua implementa konstrusaun Uma Kbiit Laek (UKL) bae ma kbiit laek sira, tanba orsamentu alokadu no benefisiáriu elizivel mós identifkadu no aprova ona. 

Ekipa Programa Nasionál Dezenvolvimentu Suku (PNDS) konstrui ‘Uma Kbiit Laek’ (UKL) iha munisípiu Covalima hamutuk uunidade 90 ne’ebé implmenta iha suku 30 ne’ebé pertense ba postu administrativu hitu (7) ho totál orsamentu hamutuk  $1,491.000.

Notísia Relevante: Kamioneta tula sasán konstrusaun “Uma Kbiit Laek” monu iha Lorokida

Jornalista : Celestina Teles

Editór      : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here