Kamioneta ida-ne’ebé tula sasán konstrusaun Uma Kbiit Laek hanesan batako no rai-henek, hakiduk ba kotuk hodi xoke ai-hun ida iha aldeia Lorokida, suku Fohorem. Imajen/Espesiál.

COVALIMA, 10 outubru 2021 (Tatoli)—Kamioneta ida-ne’ebé tula sasán konstrusaun Uma Kbiit Laek hanesan batako no rai-henek, sa’e subida hakiduk ba kotuk hodi xoke ai-hun ida iha aldeia Lorokida, suku Fohorem, postu administrativu Fohorem, sábadu horisehik iha tuku 18:00 lorokraik. 

Karreta ho Xapa matríkula 50857 ne’e hosi Kompañia N. Jafreq Leo Rai Unipessoal, Lda, nu’udar fornesedór matérial konstrusaun ba Uma Kbiit Laek ba Aldeia Lorokida ne’e, monu no hakiduk ba kotuk tanba materiál konstrusaun todan no kondisaun estrada ba Fohorem ne’e aat. 

Iha kamionete ne’e nia laran, iha ema na’in haat (ajudante ida, morista ida no pasajeiru feto na’in-rua) maibé la rezulta kanek.

Xefe Suku Fohorem, Fernando Ferreira, informa kamioneta baku-fila tanba estrada hosi Postu Fohorem liga ba aldeia Lorokida ne’e aat, tanba ne’e kamioneta sira tenke liuhosi mota laran no to’o ikus karreta monu.

 To’o oras ne’e, kamioneta ne’ebé monu ne’e, Kompañia N. Jafreq Leo Rai Unipessoal, Lda, seidauk dada-sai no hasai hosi fatin akontesimentu ne’e.

Jornalista : Celestina Teles

Editór       : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here