COVALIMA, 14 juñu 2021 (TATOLI)–Programa Nasionál Dezenvolvimentu Suku (PNDS) sei harii uma 90 ba kbiit-laek sira iha Munisípiu Covalima.
Notísia Relevante : Covalima reativa misa no merkadu
“Ba iha faze sosializasaun, re verifikasaun no BoQ mós ami finaliza ona, ita hein preparasaun prosesu aprovizionamentu atu tama iha prosesu implementasaun,” Diretora delegasaun PNDS Munisípiu Covalima , Zélia Freitas da Conceição, informa ba Agência Tatoli iha Covalima, segunda ne’e.
Zélia hatutan, PNDS harii uma ba kbiit-laek sei implementa iha suku 30 no kada aldeia sei harii uma kbiit-laek tolu (3).
“Atu identifika uma kbiit-laek PNDS iha matadalan lori ami hodi la’o tuir prosesu identifikasaun PNDS fasilita de’it ekipa verifikasaun benefisiáriu,” Zélia hateten.
Nia esplika, ekipa verifikasaun benefisiáriu ne’e kompostu hosi ema nain-ualu (8) ne’ebé lidera hosi autoridade lokál sira hodi identifika família kbiit-laek ne’ebé mak elejivel.
Jornalista : Celestina Teles
Editór : Francisco Simões
