Diretór Ezekutivu ANAAA, Edmundo da Silva Viegas. Imajen/UNILAB

DILI16 agostu 2021 (TATOLI)—Diretór Ajénsia Nasionál Avaliasaun Akreditasaun Akadémiku (ANAAA), Edmundo Viegas da Silva, informa ANAAA tama ona ba segundu faze hodi hahú halo avaliasaun no akreditasaun ba kursu 24 hosi Ensinu Superiór hitu.

Notísia Relevante: ANAAA sei avalia kursu 24 husi Ensinu Superiór hitu

“Ami rejista kursu 24 ne’ebé sei hetan avaliasaun no akreditasaun programátika, tanbá ne’e mak ami informa hotu ona ba Magnifiku Reitór na’inhitu (7), ne’ebé mak sirania kursu tama iha grupu 24 kursu ne’e, ne’ebé ohin ami hahú ona iha ne’e, no ba loron primeiru hahú enkontru ho Magnifiku Reitór no Senadu UNITAL nian la’o kapas,” Edmundo Viegas da Silva hateten ba Agência Tatoli, iha Universidade Orientál Timor Lorosa’e (UNITAL), segunda ne’e.

Nia dehan, ANAAA hahú halo ona avaliasaun segunda faze hosi avaliasaun no akreditasaun programátiku, ne’ebé iha semana ida-nia laran ne’e, hahú avalia kursu Floresta no peskas iha UNITAL.

Hafoin ne’e. nia dehan, iha semana oin ANAAA sei kontinua fali halao avaliasaun ba kursu sira seluk ne’ebé estabelese iha iha Universidade seluk.

Metodu avaliasaun ne’e, ANAAA uza metodu mistu katak avaliadór nasionál sira tuir enkontru prezensiál no avaliadór internasionál ne’e labele marka ptrezensa maibé avaliadór internasionál tuir enkontru liuhosi plataforma virtuál.

Nia hateten, hafoin halo lansamentu iha 23 jullu no iha 24 jullu ne’e kedas, ANAAA hahú ona faze primeiru hosi avaliasaun no akreditasaun programátiku ne’ebé ninia atividade prinsípál ne’e hodi halibur avaliadór nasionál sira hodi entrega relatóriu auto avaliasaun kursu sira-ne’ebé prontu ona ba avaliadór nasioná sira hodi hahú halo ona desk asesment.

Desk asesment ne’e katak, ita halo avaliasaun dokumentál, hanesan relatóriu ne’ebé departamentu hatama mai ANAAA ne’e mak sai dokumentu baze ba avaliasaun ne’e,” nia esplika.

Iha faze dahuluk nian ba avaliasaun dokumentu (relatóriu) ne’e halo hotu on aba kursu 24 ne’e no agora tutan fali ho avaliasaun segundu faze, tanbá tuir kalendáriu ANAAA nian ne’e avaliasaun sei finaliza iha fulan-setembru nia rohan.

Liuhosi avaliasaun no akreditasaun ba kursu 24 ne’e, ANAAA labele halo avaliasaun barak dala ida de’it, tanbá oráriu ne’ebé ANAAA nian ba fulan ida ho balun, hahú hosi fulan-agostu nia klaran to fulan-setembru nia rohan hodi bele kobre kursu 24 ne’e to’o ramata.

Magnífiku Reitór Universidade Orientál Timor Lorosa’e (UNITAL), Florindo Pereira, hateten ekipa ANAAA daudaun ne’e halo avaliasaun iha UNITAL hodi haree ba departamentu floresta no peskas nian.

“ANAAA atu avalia ba sirania preparasaun no lala’ok konabá departamentu nian iha prosesu aprendizajen. Ne’ebé, atu tuir kritéria ka la’e, orsida iha avaliasaun hotu mak ita hatene,” nia dehan.

Notísia Relevante: MESSK lansa avaliasaun-akreditasaun programátiku-institusionál 2021

Jornalista : Nelia Fernandes

Editór       : Cancio Ximenes

HAKEREK NO HATÁN

Please enter your comment!
Please enter your name here