Idózu no ema ho difisiente forma hodi simu subsídiu iha sukursál BNCTL, iha Dili. Imajen TATOLI/António Gonçalves

DILI, 03 agostu 2021 (TATOLI)-Prezidente Konsellu Administrasaun Institutu Nasionál Seguransa Sosiál (INSS), Longuinhos Armando Leite, relata  idozu no invalidéz hamutuk pursentu 90 husi totál benefisiáriu ema na’in 91.717 maka simu ona subsídiu husi Governu ba faze dahuluk nian iha tinan 2021.

INSS hamutuk ho Banku Nasionál Komérsiu Timor-Leste (BNCTL-sigla portugés) hala’o hela prosesu pagamentu ba benefisiáriu hamutuk 91.717 iha territóriu Timor-Leste hahú iha loron 23 fulan-juñu liubá to’o ohin loron ho orsamentu jerál Estadu hamutuk millaun $16.

Notísia Relevante :Governu halo ona pagamentu ba idozu-invalidés 97.717

“Ita selu ona pagamentu ba ita-nia ferik-katuas ka idozu-invalidéz sira atinje ona 90%. No iha setembru nia-laran parese ita finaliza ona pagamentu ba ita-nia idozu no invalidéz sira,” Longuinhos Armando Leite, informa ba Agência TATOLI, via telefónika, Dili, segunda ne’e.

Tuir relatóriu prosesu pagamentu iha munisípiu Aileu atinje ona pursentu 80 no falta 20% iha postu administrativu Remexio, Ainaro atinje ona 80% no falta postu administrativu Maubisse.

Munisípiu Baucau atinje ona 78% falta postu administraivu Baguia no Quelicai. Bobonaro atinje ona 66%.

Munisípiu Covalima konklui ona 100%, Dili 93% no falta postu administrativu Metinaro tanba tuir orariu sei komesa iha loron 18 fulan-agostu. Munisípiu Ermera atinje 71%.

Iha Munisípiu Lautém atinje ona 100%, Liquiça atinje 50%, Manatuto atinje ona pursentu 81, Munisípiu Manufahi 80%, RAEOA atinje 60%, Viqueque atinje ona 75%.

“Ho pursentu sira-ne’e, ha’u bele dehan semana oin, munisípiu balun bele atinje 100% ona. Só Munisípiu Baucau ho Maliana (Bobonaro) mak to’o setembru tinan ne’e,” nia hateten.

Daudaun ne’e, INSS hasai ona lista idozu no invalidéz kuaze rihun 22  ne’ebé mak mate ona no rejista foun sidadaun besik rihun 11 maka idade atinje 60 hodi  simu subsídiu husi Governu.

“Tanba ami ho ita-nia xefe suku sira sevisu di’ak loos, nune’e bainhira prosesu pagamentu la’o no ramata, ita simu kedas relatóriu balun hosi xefe suku kona-ba ema mate. Entaun hosi ne’e ita hatene ona mate no aumenta hira,” nia tenik tan.

Notísia Relevante :Idozu iha munisípiu balun seidauk simu osan

 Jornalista :Osória Marques

Editór :Agapito dos Santos

HAKEREK NO HATÁN

Please enter your comment!
Please enter your name here