Diretór Jerál Servisu Rejistu Notariadu, Crisogno da Costa Neto. Imajen Tatoli/Egas Cristovão.

DILI, 26 jullu 2021 (TATOLI)—Diresaun Nasionál Jerál Serbisu Rejistu Notariadu (DNJSRN), hato’o ona pedidu ba Ministériu Justisa (MJ), hodi halo manutensaun ba mákina imprime Fargo, atu prodús Billete Identidade (BI), hosi munisípiu Bobonaro, Baucau, Ermera ho Manatuto ne’ebé aat.

“Mákina hirak-ne’e aat iha fulan hirak liu-bá no tékniku-sira lori ona mai iha nasionál. Ami hato’o ona pedidu ba Ministéru Justisa hodi halo aprovasaun atu bele loke konkursu ba kompañia hodi bele hadi’a ka halo manutensaun,” Diretór DNJSRN, Crisogno da Costa hateten ba jornalista Agência Tatoli, segunda ne’e.

Notísia relevante:Impressora fargo iha DMCRSN Bobonaro kontinua avaria

Crisogno da Costa, esplika prosesu atendimentu serbisu notariadu hosi munisípiu haat  ba sidadaun-sira ne’ebé atu trata BI provizóriu, fó kartaun mutin no bele imprime orijinál iha Dili ka munípiu seluk, hanesan Bobonaro bele imprime iha munisípiu Liquiça.

Mákina fargo iha Bobonaro kondisaun tuan ona tanba halo akizasaun desde 2010 no munisípiu-sira seluk mak mákina foun ho ninia akizasaun balun iha 2018 no 2019.

Notísia relevante:Fulan tolu, DNRN prodúz BI 14.489

Jornalista: Nelson de Sousa

Editór: Cipriano Colo

HAKEREK NO HATÁN

Please enter your comment!
Please enter your name here