Obra husi grupu Arte Moris iha edifísiu Comoro. Imajen/memim.com

DILI, 25 juñu 2021 (TATOLI)—Prezidente Konsellu Veteranu, Vidal de Jesus “Riak Leman”, hateten iha tempu badak Konsellu Veteranu sei utiliza edifísiu Arte Moris iha Comoro, Dili.

Notísia Relevante: SEAK sei konvense Arte Moris muda ba Bebora

“Iha tempu badak ami sei muda ba ne’ebá tanba daudaun ne’e sira sei hadi’a ninia divizaun sira. Bainhira hotu ona konserteza iha jullu nia-laran ami bele utiliza ona fatin ne’e,” Vidal de Jesus ‘Riak Leman’, hatete ba Ajénsia TATOLI, iha edifísiu Arte Moris,  sesta ne’e.

Nia hatutan, fatin Arte Moris ne’e Governu mak iha kompeténsia no responsabilidade atu deside maibé parte Konsellu Veteranu nian hein uza de’it bainhira hadi’a ona tanba Konsellu Veteranu iha ona karta kompletu hosi Ministériu Justisa (MJ).

Sekretária Estadu Arte no Kultura (SEAK) halo ona akordu ho okupante sira no iha ona konkordansia mak Konsellu Veteranu hahú hadi’a atu halo servisu. Bainhira okupante sira-ne’e sai hosi fatin ne’e ministériu relevante fó ona kompensasaun ba sira atu tula sai sira-nia sasán.

Entretantu kona-ba grupu Arte Moris, nia dehan, ida-ne’eSekretária Eestadu Arte no Kulturál (SEAK) nia responsabilidade no kompeténsia hodi hamatan ba grupu kulturál refere.

Tuir planu, bainhira fatin ne’e hadi’a ona mak Konsellu Veteranu sei halo servisu no sei harii dormitóriu iha edifísiu refere, nune’e iha selebrasaun Loron Nasionál Vetaranu nian veteran sir abele utiliza.

Tanba bainhira Konsellu Veteranu hari’i ne’e defísil atu akumula veteranu sira hosi munisípiu 12 inklui Rejiaun Administrativa Espesiál Oé-Cusse Ambeno (RAEOA) atu partisipa ka komemora loron Nasionál Veteranu ne’ebé selebra kada loron 03 fulan-marsu.

“Ita garante no bainhira loron boot, sira mai toba de’it iha fatin Konsellu Veteranu nian no sira sei la toba iha ótel sira,” nia dehan.

Ho edifísiu foun ne’e, nia dehan, E Konsellu Veteranu sei hala’o nia funsaun hodi halo verifikasaun dadus veteran nian hosi 2009, konstrui uma ba veteranu sira no Ministériu Assuntu Kombatente Libertasaun Nasionál (MAKLN) agora halo hela sosializasaun ba levantamentu dadus tuir uma-lisan para hatene iha funu ne’e, kada uma-lisan ema mate hira.

“Asuntu hirak ne’e la’o hela maibé ho serka sanitária entaun seidauk hala’o hotu. Bainhira hakotu serka sanitaria, parte relevante sei ramata nia sebisu sira-ne’e,” nia dehan.

Notísia Relevante: CCLN mantein utiliza edifísiu Arte Moris Comoro

Jornalista : Osória Marques

Editór       : Cancio Ximenes

HAKEREK NO HATÁN

Please enter your comment!
Please enter your name here