Arte Moris, Comoro, Dili. Imajen/Dok.Arte Moris

DILI, 24 juñu 2021 (TATOLI) – Sekretáriu Estadu Arte  no Kultura (SEAK) Teófilo Caldas, sei komunika no konvense dirijente  grupu Arte Moris atu simu desizaun Governu nian hodi muda ba fatin foun iha Bebora tanba fatin atuál ne’e atribui ona ba Konsellu Veteranu.

“Nu’udar Sekretáriu Estadu Arte no  Kultura ne’ebé tau matan ba grupu artezanatu-sira iha responsabilidade trata mós kondisaun grupu Arte Moris nian,” Teófilo Caldas, hateten  ba jornalista sira iha Dili, kinta ne’e.

Sekretáriu Estadu Terras no Propriedade (DNTP)  atribui ona fatin iha Bebora ba Arte Moris. “Ita espera arte moris mós tenke simu fatin ne’e depois mak ita sei haree kondisaun sira ne’e hodi hadi’a,” nia tenik.

Atu muda grupu arte moris hosi Comoro kompeténsia Konsellu Veteranu no Ministériu asuntu Kombatente da Libertasaun tanba sira mak na’in ba rai ne’ebá bainhira DNTP atribui área Estadu nian ne’e ba sira.

Jornalista : Tomé Amado

Editór        : Francisco Simões

HAKEREK NO HATÁN

Please enter your comment!
Please enter your name here