iklan

NASIONÁL, HEADLINE, LEI, POLÍTIKA

Komisaun A aprova ona relatóriu-paresér ba alterasaun lei eleitorál tolu

Komisaun A aprova ona relatóriu-paresér ba alterasaun lei eleitorál tolu

Prezidente Komisaun A PN, Joaquim dos Santos, Imajen Tatoli/António Gonçalves

DILI, 16 maiu 2021 (TATOLI)—Komisaun A ne’ebé trata asuntu Justisa no Konstitusionál, kuarta ne’e aprova ona relatóriu no paresér ba lei eleitorál tolu kompostu hosi alterasaun ba lei órgaun administrasaun eleitorál, alterasaun lei resensiamentu eleitorál no alterasaun ba lei eleitorál Prezidente Repúblika.

Notísia Relevante: Komisaun A finaliza ona audiénsia públika ba pakote eleitorál tolu

“Ohin komisaun A aprova tiha ona relatóriu no paresér proposta-alterasaun ba lei tolu ne’e, hanesan lei orgaun administrasaun eleitorál, alterasaun lei resensiamentu eleitóral no alterasaun lei eleitorál ba Prezidente Repúblika. Ami sei haruka ba Prezidente Parlamentu Nasionál hodi halo ajendamentu hodi debate iha jeneralidade,” Prezidente Komisaun A, Deputadu Joaquim dos Santos “Boraluli” informa ba jornalista sira, iha Parlamentu Nasionál.

Tuir análize prelimináriu ba proposta lei tolu ne’e prenxe rekezitu konstitusionál no formál, orsida matéria lejizlasaun ka norma ne’e mak iha presiza halo revizaun ba iha matéria balun ne’ebé ké labele kontra konstitusaun ne’ebé mak fó ba orgaun eleitorál sira.

Proposta-alterasaun ba lei tolu ne’e prenxe regra formál, legál, konstitusionál tanba estruturadu, prenxe mós prinsípiu halo lei no sistema halo lei.

“Signifika prinsípiu, substánsia no sistema lei kumpre, ne’ebé laiha problema. Iha buat balun kiik orsida presiza hadi’a mak norma sira atu labele viola regra fundamentál sira-ne’e, sei diskute iha espesialidade,” nia fundamenta.

Komisaun A simu paresér barak

Prezidente Komisaun A ne’e fó-sai katak, durante iha audiénsia públika simu paresér barak hosi CNE, eis titulár sira, akademista, JSMP no intelektuál sira.

“Ami konsidera sira-nia paresér iha relatóriu ne’ebé ohin aprova ne’e, paresér balun ami husik iha espesialidade mak diskute tanba sira-nia rekomendasaun hakarak debate iha espesialidade. Ami labele adianta uluk lai,” nia dehan.

Notísia Relevante: CNE hato’o paresér ba PN kona-ba pakote lei eleitorál tolu

Jornalista: Evaristo Soares Martins

Editór: Cancio Ximenes

iklan
iklan

Leave a Reply

iklan
error: Content is protected !!