Diretór Ezekutivu CNC, I.P, Hugo Maria Fernandes. Imajen TATOLI/Joanico de Araújo

DILI, 11 juñu 2021 (TATOLI)—Centro Nacional Chega (CNC) husu Governu aselera ezbosu-lei patrimónia kulturál no ezobu-lei arkivu nian, nune’e proteje sítiu istóriku no arkivu istóriku sira iha Timor-Leste.

Notísia Relevante: CNC komemora loron internasionál arkivu

Centro Nacional Chega (CNC) husu Ministériu Ensinu Superiór, Siénsia no Kultura (MESSK) no Sekretária Estadu Arte no Kultura aselera ezbosu-lei patrimónia kulturál nune’e bele proteje sítiu istóriku sira iha Timor-Leste.

CNC mós husu Ministériu Administrasaun Estatal (MAE) aprezenta ezbosu-lei arkivu nian hodi halo protesaun ba arkivu istóriku sira.

“Ami ko’alia mós kona-ba ezbosu-lei patrimónia kulturál nomós ezbosu lei arkivu ne’e, nune’e ita proteje ita-nia sítiu no arkivu istóriku sira. Ohin, ami husu se bele Parlamentu Nasionál husu ba Ministériu Administrasaun Estatal aprezenta lalais lei arkivu nian ne’e mai iha uma fukun, tanba to’o agora ita laiha lei arkivu,” Diretór Ezekutivu CNC, Hugo Maria Fernandes informa ba jornalista sira, iha Parlamentu Nasionál, sesta ne’e.

Hugo Fernandes fó hanoin ba Ministériu Ensinu Superiór Siénsia no Kultura (MESSK) no Sekretária Estadu Arte no Kultura (SEAK) atu introdús ona dekretu-lei patrimonia kulturál no servisu hamutuk ho ministériu no instituisaun públiku relevante sira hodi estabelese enkuadramentu jurídiku hodi proteje sítiu istóriku no kulturál sira.

Centro Nacional Chega mós apela ba bankada parlamentár sira atubele fó instrusaun ba Ministériu Administrasaun Estatal (MAE) atu submete esbosu-lei arkivu nasional nian hodi bele hetan aprovasaun iha Konsellu Ministru no Parlamentu Nasionál.

Lei arkivu nian ne’e urjente tebes hodi garante protesaun ba arkivu istóriku ne’ebé nesesita restrisaun ba asesu no públika iha publiku.

Notísia Relevante: CNC husu MNEK-MJ aprezenta proposta ba PN ratifika konvensaun ema lakon

Jornalista: Evaristo Soares Martins

Editór: Cancio Ximenes  

HAKEREK NO HATÁN

Please enter your comment!
Please enter your name here