Diretór Jerál Ministériu Solidariedade Sosiál no Inkluzaun (MSSI), Rui Manuel Gago Exposto. Imajen TATOLI/Osória Marques.

DILI, 17 maiu 2021 (TATOLI)—Diretór Jerál Ministériu Solidaridade Sosiál no Inkluzaun (MSSI), Rui Manuel Gago Exposto, hateten apaoiu umanitáriu hanesan materiál ijíene ne’ebé Governu Austrália entrega ba MSSI ne’e, sei distribui ba grupu vulnerável no ema ho desfisiénsia sira iha territóriu nasionál (Timor-Leste).

Notísia Relevante: Governu Austrália entrega apoiu umanitáriu ba MSSI

“Kona-ba sasán ne’ebé Governu Austrália entrega ba MSSI ne’e, ami sei fó apoiu ba ita-nia alvu sira hanesan katuas-ferik, inan isin rua, labarik sira, no ema ho defisiénsia sira iha Timor-Leste,” Rui Manuel Gago Exposto hateten ba Agência TATOLI, liuhosi telefónika, segunda ne’e.

Diretór Jerál ne’e hatutan, materiál ne’ebé fahe ne’e la’ós hahan maibé materiál ijíene ba prevensaun COVID-19 nian hanesan máskra, hand sanitozer no inklui sasán dapur nian hanesan bikan, kanuru lona, biti, manta, no seluk t’an.

“Sasán hirak ne’e, MSSI fahe ba ema-ne’ebé prioridade tebes maibé ba territóriu nasionál tanba sasán limitadu. Agora mobiliza hela, atu aban ami haruka ba Munisípiu Aileu, Manututo, Same no Viqueque,” nia informa.

Tanba situasaun serka sanitária, nia dehan, MSSI sei hakat liu prosesu lubuk ida mak hafoin dezloka ba munisípiu sira-ne’ebé MSSI identifika ona katak ema ka grupu vulnerável ne’e barak.

Apoiu umantáriu ne’ebé oferese hosi Governu Austrália ne’e, MSSI halo planu ona atu bele fó apoiu ba ema vulnerável no ema ho defisiénsia sira iha munisípiu sira no sei la konsentra iha munisípiu Dili.

Notísia Relevante: MSSI distribui ona foos saka 28.000 ba família vulnerável

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here