Vise Primeiru-Ministru no Ministra Solidariedade Sosiál no Inkluzaun, Armanda Berta dos Santos. Hamutuk ho Embaixadór Austrália iha Timor-Leste, Peter Roberts hodi apoiu grupu vulnerave no ema defisiensia sira, iha salaun MSSI Caicoli, tersa (11/05). Imajen Tatoli/Egas Cristovão

DILI, 11 maiu 2021 (TATOLI)—Governu Austrália liuhosi Embaixadór Austrália iha Timor-Leste, Peter Roberts, ohin, entrega apoiu umanitáriu hanesan materiál ijíene ba Ministériu Solidaridade Sosiál no Inkluzaun (MSSI) hodi fó apoiu ba grupu vulneravel no ema ho defisiénsia sira.

Vise-Primeiru Ministru no Ministra Solidaridade Sosiál no Inkluzaun (MSSI), Armanda Berta dos Santos, hateten apoiu umanitáriu ne’ebé mak Governu Austrália entrega ne’e MSSI sei tau prioridade mós ba família afetadu dezastre naturál.

“Apoiu umanitáriu ne’ebé Governu fó, ita sei tau prioridade ba ema vulnerável no ema ho defisiénsia sira no ba inan isin-rua inklui ho labarik sira, feto no ema afetadu dezastre naturál,” Berta dos Santos hateten ba jornalista sira, hafoin entrega sasán materiál ijíene ba MSSI, iha salaun MSSI, Caicoli, Dili, tersa ne’e.

Entretantu, Embaixadór Austrália iha Timor-Leste, Peter Roberts, hateten Governu Austrália haruka sasán ijiéne sira ne’e hodi oferese ba Timor-Leste atu tulun ba fam’ilia afetadu dezastre naturál.

“Ohin, lori sasán hosi Austrália fó ba Timor-Leste ne’ebé servisu hamutuk ho Governu Timor-Leste liuhosi MSSI servisu hamutuk ho Ministériu Administrasaun Estatál (MAE) inklui Sekretáriu Estadu Protesaun Sivíl (SEPS) no Organizasaun Naun Govermentál (ONG) atu suporta ema-ne’ebé moris defísil ka sai vítima ba inundasaun,” nia dehan.

Nia parte kontente bainhira servisu hamutuk ho Timor-Leste tanba Timor-Leste mak sai hanesan viziñu, família no parséria tanba uluk Austrália afeta inundasaun mós, Governu Timor-Leste mós fó tulun ba Governu Austrália.

Embaixadór ne’e hatutan, apoiu ba inundasaun nian de’it Austrália apoiu ho osan pakote millaun $8.5, maibé ida-ne’e difirensa ho kontribuisaun dezenvolvimentu Timor-Leste nian ba tinan-tinan ,Austrália suporta osan millaun $100 ba Timor-Leste.

Apoiu umanitáriu ne’ebé Governu Austrália oferese ba Timor-Leste mak higiene kids (pakote ijiéne) hamutuk kaixa 80, tools kits (ekipamentu konstrusaun) kaixa 80, kitchen kids (sasán dapur) kaixa 80, blankets thing (kalori) kaixa 400, muskitéiru 240, máskara kaixa 68.400/377 no lona hamutuk 80.

Aleinde ne’e, nia informa, Governu Austrália mós fó asisténsia ba vasinasaun nian ho millaun A$.28 inklui suporta Ministériu Saúde (MS), Organizasaun Mundiál Saúde (OMS), UNICEF hodi distribui vasinasaun ba treinamentu no seluk tán.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here