Fatin Turizmu Maumeta Beach Munisípiu Liquiçá.Imajen/Tatoli Egas Cristovao

LIQUIÇA, 06 maiu 2021 (TATOLI) – Xefe Suku Guisu, Postu Administrativu Maubara, Munisípiu Liquiça, Liberato Araujo Nunes hateten, aldeia rua kompostu hosi Aldeia Caicassavou no Mau-Uno seidauk asesu eletrisidade.

Notísia Relevante : Aldeia Gariana-Rainaba iha Suku Vatuvou-Guguleur seidauk asesu eletrisidade

“Iha Suku Guisu iha aldeia lima. Aldeia tolu asesu ona eletrisidade no aldeia aldeia rua mak seidauk asesu, ida ne’e iha programa hela tuir loloos tinan ne’e atu realize, maibé situasaun akontese tiha hanesan ne’e entaun seidauk bele realiza,” Xefe Suku Liberato Araujo Nunes  informa ba Agência Tatoli iha Maubara, kinta ne’e.

Relasiona ho bee-moos, nia hateten, aldeia lima ne’e asesu hotu ona, maibé Aldeia Irlelo ho Vatu-Vei mak presiza halo reabilitasaun tanba dada kedan iha 2003 to’o agora liña distribuisaun sira barak maka at daudaun ona.

Guisu kompostu hosi aldeia lima mak hanesan, Caicassavou, Mau-Uno, Irlelo, Pandevou no Vatu-Vei ho nia populasaun hamutuk 1.983 no area suku ho nia luan 33, 29 kilómetru  kuadradu no maioria komunidade iha area ne’e moris ho vida agrikultór.

Notísia Relevante : Suku rua iha Liquiça seidauk asesu eletrisidade

Jornalista       : Hortencio Sanchez

Editór              : Francisco Simões

HAKEREK NO HATÁN

Please enter your comment!
Please enter your name here