Ekipa Saneamentu Dili kontinua rekolla lixu iha dalan públiku sira. Imajen TATOLI/Joanico de Araújo.

DILI, 14 abril 2021 (TATOLI)—Administradór Postu Administrativu Don Aleixo, Tomas Barros, hateten Ministériu Administrasaun Estatál (MAE) kontratu empreza PAX hodi fó apoiu kamioneta hitu (7) ba Postu Administrativu Dom Aleixo hodi rekolla no tula lixu iha suku hitu (7) lori ba fakar iha lixeiru Tibar, tanba durante inundasaun ne’e volume lixu aumenta.

Notísia Relevante: Governu kontratu PAX apoiu kamioneta 20 atu rekolla lixu

“Ita simu kamioneta hitu hosi empreza PAX no kamioneta ida hosi PARTISIPA hamutuk ualu (8), hodi apoiu Postu Administrativu Dom Aleixo ne’ebé mak ajuda rekolla no tula lixu hahú iha tersa (06/04) semana kotuk to’o ohin loron,” Tomas Barros hateten ba Agência TATOLI iha nia knaar fatin, Postu Administrativu Don Aleixo, Fatuhada, Dili, kuarta ne’e

Administradór ne’e hatutan, kamioneta ualu ne’e reforsa kamioneta 24 hosi saneamentu Munisípiu Dili ne’ebé loro-loron tula no fakar lixu iha lixeiru Tibar to’o dala 96, tanba kada kamioneta iha kada loron ida ne’e, tula lixu dala tolu ba fakar iha lixeitu Tibar.

Tanba, nia dehan, hafoin akontese dezastre naturál ne’ebé hamosu inundasaun iha domingu (04/04), ne’ebé bee-mota tama populasaun sira-nia uma no sobu estraga ponte sira ne’e, lori no lalin lixu sira hakonu Sidade Dili ho tipu lixu oioin.

“Loron ida kada kamioneta tula lixu dala tolu hodi ba fakar iha lixeira Tibar, tanba dezastre ne’e liu tiha la’ós husik hela lixu ai-tahan ka surat-than de’it maibé tahu dodok kahor ho foer mak barak liu namkari iha fatin-fatin,” nia dehan.

Notísia Relevante: Fevereiru, SMD entrega kamioneta 49 ba kompañia lima atu rekolla lixu

Jornalista: Osória Marques

Editór: Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here