Ekipa saneamentu rekolla hela lixu iha Kapitál Dili. Imajen Tatoli/Antonio Gonçalves.

DILI, 12 abril 2021 (TATOLI)—Governu liuhosi Ministériu Administrasaun Estatál (MAE) halo ona kontratu ho empreza PAX atu fó apoiu transporte 20 ba reforsa kapasidade kamioneta 49 ne’ebé Autoridade Munisípiu Dili atu rekolla lixu iha Munisípiu Dili.

Vise-Ministru Administrasaun Estatál (V-MAE), Lino de Jesus Torrezão, hateten Ministériu Administrasaun Estatál (MAE) halo kontratu direta ho empreza PAX ho montante osan rihun $300.

“MAE mak kontratu direta empreza PAX ho montante rihun $300 hodi aumenta kamioneta 20, nune’e reforsa tan kapasidade Munisípiu Dili nian hodi bele tula lixu iha sidade Dili ne’ebé aumenta kada loron ho tonelada 220,” Lino Torrezão hateten hateten ba Agência TATOLI, liuhosi telefónika, segunda ne’e. 

Governante ne’e dehan kamioneta 20 ne’e la’ós empreza PAX nian hotu maibé PAX kontratu tutan empreza Timoroan nian balun iha Dili.

Jornalista: Osória Marques

Editór: Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here