Abitante iha mota-ibun Ponte Comoro III. Imajen Tatoli/Antonio Goncalves

DILI, 09 abríl 2021 (TATOLI)-Sekretáriu Estadu Protesaun Sivíl (SEPS), Joaquim Gusmão, hateten SEPS halo ona alerta dezde iha setembru 2020  kona-ba situasaun klima La Nina (udan no anin-boot) ne’ebé sei akontese iha Timor-Leste.

Notísia Relevante : PM Taur orienta SEPS prepara kondisaun hasoru fenómenu La Niña

Sekretariu Estadu Protesaun Sivíl (SEPS), Joaquim José Gusmão dos Reis Martins. Imajen Tatoli/Egas Cristovão

Joaquim Gusmão dehan, alerta ne’ebé hala’o liu mós hosi sosializasaun ne’ebé SEPS no organizasaun naun Governamentál sira hala’o liuhosi mídia no mós ba iha komunidade ne’ebé hela besik iha mota-ninin, foho-lolon, lagoa ninin atu bainhira udan tau no anin-boot to’o oras ida buka hadook-an hosi fatin sira ne’e atu prevene an hosi dezastre naturál.

Ba Agência Tatoli, sesta ne’e, iha Eskola Ensinu Sekundária Jerál 4 Setembru Balide Dili, Joaquim Gusmão, hateten udan no anin-boot foin lalais akontese iha tempu madrugada, nune’e ema barak mak la preparadu hodi halakon ema balun vida.

Notísia Relevante : Fenómenu La Nina iha oseanu pasífiku oeste rezulta Timór udan

Hatán kona-ba oinsá polítika SEPS ba prevensaun dezastre naturál liuliu asegura abitante sira hela iha área risku atu evakua antes mosu dezastre, Joaquim Gusmão, hateten Governu iha rekursu lato’o, maibé ho meiu ne’ebé iha mak halo de’it edukasaun sívika tanba ne’e konsiénsia komunidade importante tebes oinsá atu labele harii uma besik iha fatin risku no bainhira udan no anin-boot atu atensaun no buka próteze an hosi fatin sira risku dezastre naturál.

Jornalista   : Nelson de Sousa

Editór        : Francisco Simões

 

HAKEREK NO HATÁN

Please enter your comment!
Please enter your name here