Fenómenu La Nina. Imajen/Espesiál

DILI, 30 novembru 2020 (TATOLI)—Meteorolojista hosi Diresaun Nasionál Meteorolojia no Jeofízika Ministériu Transporte no Komunikasaun (MTK), Simão Teles Fernandes, hateten atividade iha oseanu pasífiku halo evaporasaun no halo forma konveksaun, ne’ebé jere udan iha illa Timór.

“Ita Timór la’ós pertense ba faze El Niño, maibé agora daudaun hanesan fenómenu ativa iha oseanu pasífiku maka halo udan, fenómenu La Nina ativa hela oseanu pasífiku tanba ne’e maka ita hetan udan no sei aumenta pluviómetru iha tinan ida-ne’e,” Meteorolojista informa ba Agência TATOLI, foin lalais ne’e iha ninia knaar fatin, Caicoli.

Oscilasaun súl iha faze tolu hanesan El Niño, La Nina no últimu metru, maibé daudaun Timor-Leste enfrenta temperatura La Nina.

Nia esplika, kuandu La Nina akontese iha illa Timór sei simu udan been maka’as, kompara ho média klimatolojia.

Enkuantu kuandu El Niño maka akontese, iha illa timor ne’e sei la udan tanba inséndiu temperatura tasi ne’ebé iha oseanu pasífiku oeste  maka manas liu kompara ho temperatura superfíse tasi iha oseanu oeste.

“Entaun anin sira ne’e lori hotu unidade hosi oseanu pasífiku bá leste,  entaun nia sei jere udan iha Amérika Latín no sei akontese El Niño iha ne’ebá no pluviómetru ne’e aumenta”, Meteorolojista ne’e akresenta.

 Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here