KAATL entrega materiál dezinfekta ba Grupu ‘Mama Bolu’ ho PNTL iha Jardín 5 de Maio, Dili, kuarta (24/03). Imajen TATOLI/António Gonçalves.

DILI, 29 marsu 2021 (TATOLI)—Sala Situação Centro Integrado Gestão de Crise (SS-CIGC), rejista kazu pozitivu foun COVID-19 na’in 21 ne’ebé detetadu iha munisípiu Dili,  iha kazu rekoperadu ida no númeru pasiente atuál 342.

“Kazu foun ohin 21, rekoperadu ida, ativu 342. Hosi kazu foun na’in 21 ne’e, iha mane na’in 13, feto na’in-ualu. Sintomátiku na’in-lima no asintomátiku na’in 16,”  Koordenadór Forsa-Tarefa ba Prevensaun no Mitigasaun, Rui Maria de Araújo fó-sai kazu pozitivu hirak ne’e, liu hosi konferénsia imprensa iha Centro Convenções Dili (CCD), segunda ne’e.

Notísia relevante:COVID-19: pozitivu foun 11, rekoperadu 13 no ativu 322

Hosi kazu 21 ne’ebé ohin detetadu iha Munisípiu Dili, kompleta kazu pozitivu iha Munisípiu ne’e hosi 7 to’o 29 marsu 2021, hamutuk hotu 350.

Ho baze informasaun ne’ebé ekipa konjunta saúde rekolla, foku ka cluster kazu pozitivu iha Dili, hetan revizaun hanesan tuir cluster ka foku propagasaun totál kumulativu kazu konfirmadu iha 7,14,19,20,21,22,23,24,25,26,27,28 no 29 marsu, BTN II-Terra Santa, Suku Madohi sia, BTN III –Terra Santa, Suku Madohi 11, Aldeia 7  Dezembru, Suku Madohi ida, Aldeia Betó Oeste, Suku Madohi ida.

Aldeia 4 Setembru, suku Comoro tolu, Aldeia Fomento II, Suku Comoro tolu, Aldeia Fomento III, Suku Comoro rua, Aldeia Aimutin, Suku Comoro tolu, Aldeia São Miguel, Suku Comoro ida, Aldeia 30 de Agosto, Suku Comoro 21, Aldeia Rosario, Suku Comoro ualu, Aldeia São José, Comoro ida (foun), Aldeia 12 de Outubru, Suku Comoro haat.

Aldeia 02, Suku Fatuhada lima, Aldeia 03, Suku Fatuhada 16, Aldeia 04 Marconi, Suku fatuhada haat, Aldeia 05, Suku Fatuhada 10.

Aldeia 20 de Setembro, Suku Bebonuk 62, Aldeia Metin 1, Suku Bebobuk 18, Aldeia Metin 2, Suku Bebonuk ida,  Aldeia Metin 3, Suku Bebonuk tolu.

Aldeia Lesibutak, Suku Manleuana tolu, Aldeia Efaka, Suku Manleuana tolu, Aldeia Avansa, Suku Bairro Pité sia, Aldeia THT, Bairro Pité ida (foun).

Aldeia Aninfuik, Suku Campo Alor ida, Aldeia Gideon, Suku Vila Verde ida, Aldeia Hura, Suku Motael rua, Aldeia Lirio, Suku Motael rua, Aldeia Formosa, Suku Gricenfor ualu, Aldeia Taibessi Calma, Suku Lahane Oriental ida, Aldeia Mura, Suku Santa-Cruz lima, Aldeia Moris Foun, Suku Santa Cruz ida.

Aldeia Maucoco Mate, Suku Becora 18,  Aldeia Auhun, Suku Becora ida, Aldeia Berbidu, Suku Becora haat, Aldeia Kakeu-Laran, Suku Becora ida, Aldeia Toko Baru 2, Suku Kulu Hun 17,  Aldeia Funu Hotu, Suku Kulu Hun ida, Aldeia Mota-Klaran, Bidau Santana haat, Aldeia Sagrada Familia, Suku Bidau Santana lima, Aldeia Bidau Manumata, Suku Bidaun Santana rua.

Hospital Nasional Guido Valadares lima, Kuarentena iha Dili laran 11,  EMONC (Emergency Obstetrics and Neonatal Care) training iha Hospital Nacional Guido Valadares 12.

Ho nune’e, iha Munisípiu Dili, sei iha cluster 45 maka sei nafatin hatudu atividade hada’et tutan virus SARS-CoV-2 hosi ema ida ba ema seluk, liu-liu iha Suku Bebobuk, Fatuhada ho Comoro.

Hosi horisehik mai ohin, hamutuk hotu Laboratóriu Nasionál Saúde (LNS) halo testes PCR ba ema na’in 565, inklui ona iha laran 241 ne’ebé mai hosi pedidu autorizasaun esesionál atu sai hosi serka sanitária iha Munisipiu Dili.

Totál pedidu autorizasaun esesionál atu sai hosi no tama mai serka sanitária iha Munisípiu Dili, horisehik 28 marsu, hamutuk hotu 43. Sekretariadu CIGC responde hotu kedan, maibé pedidu hitu la prienxe kritériu tuir Rezolusaun Governu.

Tuir tabela evolusaun  surtu COVID-19 iha TL, hahú hosi 22 fevereiru 2021, tuir klasifikasaun transmissaun Organizasaun Mundiál Saúde (OMS) númeru Munisípiu totál kumulativu kazu, totál kazu foun iha oras 24 ikus klasikasaun transmisaun iha Dili  hamutuk kazu 350, iha Cluster Baucau, kazu 26, iha Cluster Covalima kazu 19, Cluster Viqueque kazu 10, Cluster  Lautém kazu ida, esporádiku iha kzau neen, RAEOA kazu ida, no munisípiu hitu seluk laiha kazu.

SS-CIGC  apela ba komunidade iha fatin ne’ebé maluk rekoperadu-sira hela bá, favór labele tauk, tanba sira ne’ebé sai hosi fatin izolamentu, ekipa saúde sertifika ona katak, sira laiha ona risku atu hada’et-tutan virus ba ema seluk.

Apela ba populasaun Timor-Leste tomak, liu-liu iha Munisipiu Dili, Baucau ho Viqueque atu nafatin hakmatek, lalika sé tilun ba lia-anin ka rumór-sira, pratíka nafatin medida Uza mascara, fase liman beibeik ho sabaun, evita kose liman ba matan, inus ho ibun, bainhira kumprimenta-malu, la presiza ka’er-liman, bensa-liman, rei-malu ka haku’ak-malu, evita halibur-malu barak, hamri’ik ka tur do’ok hosi ema seluk, mínimu metru ida ho balun.

Notísia relevante:COVID-19: JdSNB ba izolamentu ho transporte rasik

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here