Ekipamentu médiku ba prevensaun COVID-19, ne’ebé oferese hosi ADB ho UNICEF no Governu tau iha antiga Ospitál Lahane, Tersa (2/3). Imajen Tatoli/António Gonçalves.

DILI, 28 marsu 2021 (TATOLI)—Sala Situação Centro Integrado Gestão de Crise (SS-CIGC), rejista kazu pozitivu foun COVID-19 na’in 11 ne’ebé detetadu iha munisípiu Dili,  anunsia mós kazu rekoperadu 13 no númeru pasiente atuál 322.

“Kazu foun 11, rekoperadu 13 no kazu ativu 322. Hosi kazu foun na’in 11 ohin, iha mane na’in-hitu, feto na’in-haat ne’ebé hotu-hotu asintomátiku,” Koordenadór Forsa-Tarefa ba Prevensaun no Mitigasaun, Rui Maria de Araújo fó-sai kazu pozitivu hirak ne’e, liu hosi konferénsia imprensa iha Centro Convenções Dili (CCD), domingu ne’e.

Notísia relevante:COVID-19: Timor-Leste rejistu kazu pozitivu foun 28

Kazu foun 11 ne’ebé ohin detetadu iha Munisípiu Dili, kompleta kazu detetadu hahú hosi 7 to’o 28 marsu 2021, hamutuk hotu iha Munisípiu ne’e 329.

Ho baze ba informasaun ne’ebé ekipa konjunta saúde nian rekolla, foku ka cluster kazu pozitivu iha Dili, hetan revizaun hanesan tuir mai, foku propagsaun totál kazu konfirmadu iha 7,14,19,20,21,22,23,24,25,26,27 no 28 marsu, BTN II-Terra Santa, Suku Madohi sia, BTN III –Terra Santa, Suku Madohi 11, Aldeia Gólgota, Madohi tolu, Aldeia Loron matan, Suku Madohi haat, Aldeia 7  Dezembru, Suku Madohi ida,  Aldeia Betó Oeste, Suku Madohi ida.

Aldeia Tasi Mean, Suku Comoro ida, Aldeia 4 Setembru, Comoro tolu, Aldeia Fomento I, Suku Comoro tolu, Aldeia Fomento II, Suku Comoro tolu, Aldeia Fomento III, Suku Comoro rua, Aldeia Aimutin, Suku Comoro tolu, Aldeia São Miguel, Suku Comoro ida, Aldeia 30 Agosto, Suku Comoro 18, Aldeia Rosario, Suku Comoro ualu.

Aldeia 02, Suku Fatuhada lima, Aldeia 12 Outubru, Suku Comoro ida (foun), Aldeia 03, Suku Fatuhada 14, Aldeia 04, Suku Fatuhada rua, Aldeia 05, Suku Fatuhada 10, Aldeia 20 Setembro, Suku Bebonuk 58, Aldeia Metin 1, Suku Bebobuk 15, Aldeia Metin 2, Suku Bebonuk ida, Aldeia Metin 3, Suku Bebonuk tolu.

Aldeia Lesibutak, Suku Manleuana tolu, Aldeia Efaka, Suku Manleuana tolu, Aldeia Teki-Teki, Suku Bairro Pité ida, Aldeia Frekat, Suku Bairro Pite haat, Aldeia 5 Outubro, Suku Bairro Pité ida, Aldeia Avansa, Suku Bairro Pité sia, Aldeia Aninfuik, Suku Campo Alor ida, Aldeia Mate Restu, Suku Vila Verde rua, Aldeia Gideon, Suku Vila Verde ida.

Aldeia Hura, Suku Motael rua, Aldeia Lirio, Suku Motael rua, Aldeia Formosa, Suku Gricenfor ualu, Aldeia Taibessi Calma, Suku Lahane Oriental ida, Aldeia Mura, Suku Santa-Cruz lima, Aldeia Moris Foun, Suku Santa Cruz ida (foun).

Aldeia Maucoco Mate, Suku Becora 18, Aldeia Auhun, Suku Becora ida, Aldeia Berbidu, Suku Becora haat, Aldeia Kakeu-Laran, Suku Becora ida, Aldeia Toko Baru 2, Suku Kulu-Hun 17, Aldeia Funu Hotu, Suku Kulu-Hun ida, Aldeia Mota-Klaran, Bidau Santana haat, Aldeia Sagrada Familia, Suku Bidau Santana lima, Aldeia Bidau Manumata, Suku Bidaun Santana rua.

Hospital Nasional Guido Valadares lima, Kuarentena iha Dili laran 10, Ministériu Finansas tolu, SEFOPE sia, Ministériu Transportes no Komunikasaun rua, EMONC (Emergency Obstetrics and Neonatal Care) training iha Hospital Nacional Guido Valadares 12.

SS-CIGC  fó-sai katak, ohin kompleta semana tolu, hahú deteta kazu pozitivu iha BTN II, Aldeia Terrasanta, Suku Madohi, no mós kazu iha Aldeia 20 Setembru, Suku Bebonuk.

“To’o ohin, iha cluster 54 iha Munisipiu Dili, maibé ho baze evolusaun propagasaun virus iha cluster-sira ne’e, durante semana rua ikus, sura hosi 14 marsu 2021, ekipa konjunta saúde deside atu deklara katak iha cluster 11 (20%), mak la ativu ona iha transmisaun virus, tanba iha semana rua-nia laran ona laiha kazu foun, no sira ne’ebé kontaktu-besik ho kazu pozitivu iha cluster hirak ne’e, sira-nia rezultadu teste PCR negativu dala rua,” Rui Maria de Araújo hateten.

Ho nune’e, iha Munisipiu Dili, sei iha cluster 43 mak sei nafatin hatudu atividade hada’et tutan virus SARS-CoV-2 hosi ema ida ba ema seluk.

Hosi horisehik mai ohin, Laboratóriu Nasionál Saúde (LNS) halo testes PCR ba ema na’in 497, inklui ona iha laran 196 ne’ebé mai hosi pedidu autorizasaun esesionál atu sai hosi serka sanitária iha Munisípiu Dili.

Totál pedidu autorizasaun esesionál atu sai hosi  no tama mai serka sanitária iha Munisípiu Dili, horisehik 27 marsu, hamutuk hotu 110. Sekretariadu CIGC responde hotu kedan, maibé pedidu 33  la prienxe kritériu tuir Rezolusaun Governu.

Jornalista: Antónia Gusmão

Editór: Cipriano Colo

HAKEREK NO HATÁN

Please enter your comment!
Please enter your name here