Prezidente Autoridade Munisípal Dili, Gaspar Soares. Imajen/Tatoli

DILI, 26 marsu 2021 (TATOLI)—Prezidente Autoridade Munisípiu (PAM) Dili, Gaspar Soares, hateten matéria foun iha proposta-lei númeru 29/V/(3) kona-ba Divizaun Administrativa Territóriu (DAT) sei muda Divizaun Administrativa Munisípiu Dili, tanba Governu propoin Postu Administrativu Ataúro sai munisípiu espesiál.

Notísia Relevante: Komisaun A-MAE diskute proposta-lei divizaun administrativa territóriu

“Matéria foun ne’ebé refleta ba Munisípiu Dili sei muda divizaun Administrativa Munisípiu Dili. Bainhira Parlamentu Nasionál (PN) aprova proposta-lei númeru 29/V/(3) ne’e, sei iha nia konsekuénsia tanba konserteza Munisípiu Dili ne’ebé durante ne’e iha nia Postu Administrativu neen (6) tún fali ba lima (5), tanba Governu propoin Postu Administrativu Ataúro sai munisípiu espesiál,” Gaspar Soares infroma ba Agência TATOLI, liuhosi telefónika, sesta ne’e.

Gaspar Soares hatutan, ida-ne’e sei fó impaktu mós ba populasaun Munisípiu Dili nian menus inklui ho jeográfika Dili nian, ne’ebé uluk ho nia luan 372m2 maibé tanba hasai 140m2 mak sei hela de’it 232m2.

Tuir nia, maske hamenus populasaun no rai nia-luan maibé ho transformasaun Ataúro ba munisípiu espesiál ne’e buat di’ak ida, tanba Autoridade Munisípiu Dili bele fasil atu atende komunidade iha Dili laran de’it no la sai ona ba liur.

Notísia Relevante: PAM Dili konkorda Ataúro sai munisípiu espesiál

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here